ជាតិ
សង្គមជាតិ
ទោះគ្មានពិធីប្រណាំងទូក ក៏នៅតែមានមនុស្សដើរកម្សាន្តកុះករ នៅមុខព្រះបរមរាជវាំង
×![]()
នារសៀលថ្ងៃទី៣១ ខែតុលា ឆ្នាំ២០២០នេះ ដែលជាថ្ងៃទី២នៃការឈប់សម្រាក ក្នុងពិធីបុណ្យអុំទូក បណ្តែតប្រទីប អកអំបុក សំពះព្រះខែ មនុស្សម្នា បានមកដើរកម្សាន្តយ៉ាងច្រើនកុះករ នៅបរិវេណមុខព្រះបរមរាជវាំង ទោះបីដឹងថា គ្មានការប្រារព្ធពិធីអុំទូក«ង»ប្រចាំឆ្នាំក៏ដោយ។ មនុស្សទាំងចាស់ ទាំងក្មេង បានដើរ លេងជុំវិញមុខព្រះបរមរាជវាំងយ៉ាងរីករាយ ដោយមានអ្នកខ្លះទៅអុជធូកបួងសួងសុំសេចក្តីសុខ នៅព្រះអង្គដង្កើ រីឯអ្នកខ្លះទៀតពិសាចំណីអាហារជាមួយក្រុមគ្រួសារ និងមិត្តភក្តិ នៅក្រោមម្លប់ឈើមុខព្រះបរមរាជវាំង។ 
ថ្វីដ្បិតនៅមុខព្រះបរមរាជវាំង មិនប្រារព្ធពិធីប្រណាំងទូក«ង»ក៏ពិតមែន ប៉ុន្តែអាជ្ញាធរបានដាក់កងកម្លាំងសន្តិសុខ ប្រចាំការនៅតំបន់នេះ ដើម្បីរក្សាសុខសុវត្ថិភាពជូនប្រជាពលរដ្ឋ ក៏ដូចជាភ្ញៀវទេសចរមកលេងកម្សាន្ត នានា ក្នុងឱកាសឈប់សម្រាកនៃពិធិបុណ្យអុំទូក។
ថ្ងៃឈប់សម្រាកនៃពិធីបុណ្យអុំទូក បណ្តែតប្រទីប អកអំបុក សំពះព្រះខែ មានរយៈពេល៣ថ្ងៃ គឺចាប់ពីថ្ងៃទី៣០តុលា ដល់ថ្ងៃទី១វិច្ឆិកា ឆ្នាំ២០២០៕
Tag:
ព្រះបរម្យរាជវាំង
អុំទូក
© រក្សាសិទ្ធិដោយ thmeythmey.com
