ជាតិ
បុណ្យអុំទូក
ពីនេះ ពីនោះ
×![]()
ដោយ: ថ្មីៗ
ការសរសេរដោយមិនបានយកចិត្តទុកដាក់ ធ្វើឲ្យអ្នកខ្លះច្រឡំប្រើពាក្យ «អ៊ំ» ជំនួស «អុំ» វិញ នៅពេលនិយាយសំដៅលើពិធីបុណ្យ «អុំទូក»។ 
តាមវចនានុក្រម «អុំ» មានន័យថា ចាប់ប្រវាចូកទឹកតាមទំនងបែបបទឲ្យទូកលឿន ពោលគឺ «អុំទូក»។ ពាក្យនេះ ក៏មានន័យមួយទៀតដែរថា ចាប់ចង្អេរដែលដាក់គ្រាប់ស្រូវជាដើមដោយដៃទាំងពីរលើកដាក់ៗ ដូចគេចាប់ជះ ដើម្បីឲ្យហើរសំដីស្រូវជាដើម។ អុំស្រូវ, អុំគ្រាប់សណ្ដែកបាយ។
រីឯពាក្យ ថា «អ៊ំ» វិញ សំដៅលើ ឪពុកធំ ឬម្ដាយធំ ពោលគឺបងរបស់ឪពុកម្តាយ។ សម្ដីថ្នមឬទំយើសម្រាប់ក្មួយហៅឪពុកធំឬម្ដាយធំក្នុងទីចំពោះមុខឬកំបាំង។ អ៊ំអញ្ជើញទៅណា ? ; អ៊ំប្រុសគ្រុន អ៊ំស្រីឈឺភ្នែក ។ តែយើងអាចសរសេរ «អ៊ំទូក» បាន តែក្នុងករណី អ៊ំ មានឈ្មោះថា ទូក។
ដូច្នេះបើចង់សរសេរពាក្យ «អុំទូក» ត្រូវសរសេរ អ មូសិកទន្ត ឬ ធ្មេញកណ្ដុរ ( ៉ ) ដាក់ស្រៈ អំ ; មិន អ ត្រីសព្ទ ( ៊ ) ដាក់ស្រៈ អំ នោះឡើយ៕
តាមវចនានុក្រម «អុំ» មានន័យថា ចាប់ប្រវាចូកទឹកតាមទំនងបែបបទឲ្យទូកលឿន ពោលគឺ «អុំទូក»។ ពាក្យនេះ ក៏មានន័យមួយទៀតដែរថា ចាប់ចង្អេរដែលដាក់គ្រាប់ស្រូវជាដើមដោយដៃទាំងពីរលើកដាក់ៗ ដូចគេចាប់ជះ ដើម្បីឲ្យហើរសំដីស្រូវជាដើម។ អុំស្រូវ, អុំគ្រាប់សណ្ដែកបាយ។
រីឯពាក្យ ថា «អ៊ំ» វិញ សំដៅលើ ឪពុកធំ ឬម្ដាយធំ ពោលគឺបងរបស់ឪពុកម្តាយ។ សម្ដីថ្នមឬទំយើសម្រាប់ក្មួយហៅឪពុកធំឬម្ដាយធំក្នុងទីចំពោះមុខឬកំបាំង។ អ៊ំអញ្ជើញទៅណា ? ; អ៊ំប្រុសគ្រុន អ៊ំស្រីឈឺភ្នែក ។ តែយើងអាចសរសេរ «អ៊ំទូក» បាន តែក្នុងករណី អ៊ំ មានឈ្មោះថា ទូក។
ដូច្នេះបើចង់សរសេរពាក្យ «អុំទូក» ត្រូវសរសេរ អ មូសិកទន្ត ឬ ធ្មេញកណ្ដុរ ( ៉ ) ដាក់ស្រៈ អំ ; មិន អ ត្រីសព្ទ ( ៊ ) ដាក់ស្រៈ អំ នោះឡើយ៕
© រក្សាសិទ្ធិដោយ thmeythmey.com
