UCL៖ Real បាន​៣​ពិន្ទុ​លើកដំបូង​ពី Inter ឯ Ajax ឈ្នះ ២-១
កីឡាអន្តរជាតិ
អន្តរជាតិ
UCL៖ Real បាន​៣​ពិន្ទុ​លើកដំបូង​ពី Inter ឯ Ajax ឈ្នះ ២-១
04, Nov 2020 , 10:58 am        
រូបភាព
Rodrygo បាន​ក្លាយជា​វីរបុរស​ដើម្បី​ជួយ Real Madrid ទទួលបាន​៣​ពិន្ទុ​ជា​លើកដំបូង​ពី​ការប្រកួត Champions League ពូ​ល B ក្រោយ​ឈ្នះ Inter Milan ៣-២​។ Ajax Amsterdam ដែល​អវត្តមាន​កីឡាករ​១១​នាក់​ដោយសារ​ឆ្លង COVID-19 ក៏​ស្គាល់​ជ័យជម្នះ​លើកដំបូង​ផងដែរ​តាមរយៈ​ការយក​ឈ្នះ FC Midtjylland ២-១​។​



​នា​ជំនួប​វគ្គ​សន្សំ​ពិន្ទុ​ពូ​ល B នៅ​ទីលាន​ហ្វឹកហាត់ Alfredo Di Stefano នៅ​រាត្រី​ថ្ងៃទី​១៣ ខែវិច្ឆិកា ម្ចាស់ផ្ទះ Real Madrid បាន​បើក​ការនាំ​មុខ​២​គ្រាប់​មុន​ដោយ​កីឡាករ Karim Benzema និង Sergio Ramos មុនពេល Lautaro Martinez និង Ivan Perisic ស៊ុត​តាម​ស្មើ​ឲ្យ Inter Milan ២-២ វិញ​។ យ៉ាងណាក៏ដោយ ខ្សែប្រយុទ្ធ​វ័យក្មេង​សញ្ជាតិ​ប្រេ​ស៊ី​ល Rodrygo បាន​ជួយ​ក្រុម​យក្ស​អេ​ស្ប៉ា​ញ​ទទួលបាន​ជ័យ​ជ​ម្មះ​ជា​លើកដំបូង​ចំណោម​ការប្រកួត​៣​លើក ដោយ​ការសម្រេច​ទី​នៅ​នាទី​៨០​។ 
 
​ជ័យជម្នះ ៣-២ លើ​ក្រុម​អ៊ីតាលី បាន​ជួយ​ក្រុម​របស់​អ្នកចាត់ការ​ទូទៅ​លោក Zinedine Zidane ទទួលបាន​៤​ពិន្ទុ ស្ថិតនៅ​ចំណាត់ថ្នាក់​ទី​៣​ពូ​ល B ខណៈ Inter Milan នៅ​បាត​តារាង​មាន ២​ពិន្ទុ​។ ក្នុង​ពូ​ល​នេះដែរ Shakhtar Donetsk ដែល​បាន​យកឈ្នះ Real Madrid នៅ​ជំនួប​បើកឆាក បាន​រង​បរាជ័យ​យ៉ាង​អាម៉ាស់​ក្រោយ​ចាញ់ Borussia Moenchengladbach ​ក្នុង​ដី​ខ្លួនឯង​ដល់​ទៅ ៦-០​។​
 
​ក្រុម​អ៊ុយ​ក្រែ​ន Shakhtar Donetsk ធ្លាក់​មក​ចំណាត់ថ្នាក់​ទី​២​វិញ ដោយ​រកបាន​៤​ពិន្ទុ ខណៈ Moenchengladbach របស់​អាល្លឺម៉ង់ ឡើងទៅ​ឈរ​កំពូល​តារាង​ពូ​ល B មាន​៥​ពិន្ទុ​។​
 
​ដោយឡែក Ajax ឯណោះ​វិញ បើ​ទោះ​ជួប​វិបត្តិ​កីឡាករ​កើត COVID-19 ដល់​ទៅ​១១​នាក់​ក្តី ក្រុម​នៃ​លី​គ​កំពូល​ហូ​ឡង់​នេះ​នៅតែ​អាច​យកឈ្នះ​ម្ចាស់ផ្ទះ Midtjylland ២-១ និង​ជាការ​ទទួលបាន​៣​ពិន្ទុ​លើកដំបូង​ពី​ការប្រកួត​៣​លើក​ក្នុង​ពូ​ល D ផងដែរ​។ 
 
​តាមរយៈ​ជ័យជម្នះ​នេះ Ajax បាន​ឡើងទៅ​លេខ​២​ពូ​ល D វិញ ដោយមាន​៤​ពិន្ទុ​ស្មើ Atalanta ដែល​រង​បរាជ័យ​ធ្ងន់​ក​ក្រោម​ថ្វី​ជើង Liverpool ក្នុង​លទ្ធផល ៥-០​។ ក្រុម​ហង្ស​ក្រហម​នៅតែ​រក្សា​ក្រុម​កំពូល​តារាង​ដោយ​រកបាន​៩​ពិន្ទុ​ពេញ ស្របពេល Midtjylland នៅ​បាត​រាង​គ្មាន​ពិន្ទុ​រាប់​នៅឡើយ​។​
 
​លទ្ធផល​គូ​ដទៃ​ក្នុងការ​ប្រកួត​ក្នុង​ក្របខណ្ឌ​កំពូល​អឺរ៉ុប​នៅ​រាត្រី​ថ្ងៃទី​១៣ ខែវិច្ឆិកា​មាន​៖
 
​ពូ​ល A
Lokomotiv Moscow ១-១ Atletico Madrid 
Salzburg ២-៦ Bayern Munich
 
​ពូ​ល B
Shakhtar Donetsk ០-៦ Borussia Moenchengladbach 
Real Madrid ៣-២ Inter Milan
 
 ពូ​ល C
FC Porto ៣-០ Marseille 
Manchester City ៣-០ Olympiacos 

© រក្សាសិទ្ធិដោយ thmeythmey.com