ជាតិ
សង្គមជាតិ
សំរាមគរស្អុយលើផ្លូវបេតុងមួយកន្លែង នៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ គំនរសំរាមលើផ្លូវបេតុងមួយកន្លែងស្ថិតនៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ (5)
× សំរាមដ៏ច្រើនបានគរស្អុយសងខាងលើផ្លូវបេតុងមួយកន្លែង ស្ថិតនៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ដែលធ្វើឲ្យបាត់បង់សោភ័ណភាពផ្លូវនៅទីនោះ និងបង្កផលប៉ះពាល់ដល់សុខភាពអ្នកដំណើរ និងប្រជាពលរដ្ឋរស់នៅក្បែរៗនោះ។ គំនរសំរាមនេះ ភាគច្រើនជាកាកសំណល់ប្រើប្រាស់របស់ប្រជាពលរដ្ឋ អ្នករកស៊ីលក់ដូង លក់អំពៅ និងមួយចំនួនទៀតមកពីសិប្បកម្ម និងរោងចក្រ។
បើតាមប្រជាពលរដ្ឋម្នាក់ដែលរស់នៅក្បែរនោះ គំនរសំរាមទាំងនេះគេឃើញមានវត្តមាននៅលើបេតុងនោះយូរមកហើយ ពោលគឺតាំងពីពាក់កណ្តាលខែតុលា ឆ្នាំ២០២០ ពេលដែលរាជធានីភ្នំពេញរងគ្រោះដោយសារជំនន់ទឹកភ្លៀវមកម្ល៉េះ។ ប៉ុន្តែគេសង្កេតឃើញថា ពុំមានខាងក្រុមហ៊ុនស៊ិនទ្រី អាជ្ញាធរ ឬស្ថាប័នពាក់ព័ន្ធមកប្រមូលសំរាម និងចាត់វិធានការលើបញ្ហានេះឡើយ។
នេះមិនមែនលើកទី១នោះទេ ដែលផ្លូវបេតុងត្រង់ចំណុចនោះគ្របដណ្តប់ដោយគំនរសំរាម និងក្លាយជាកន្លែងចោលសំរាបរបស់ប្រជាពលរដ្ឋ អាជីវករ និងអ្នកប្រកបរបរសិប្បកម្ម និងឧស្សាហកម្មរោងចក្រ។ នេះបើតាមការបញ្ជាក់របស់ប្រជាពលរដ្ឋ ដែលសុំមិនបញ្ចេញឈ្មោះខាងលើ ហើយបានបន្ថែមថា ក្រុមហ៊ុនស៊ិនទ្រី និងអាជ្ញាធរបានដុត និងប្រមូលសំរាមនៅទីនោះជាច្រើនលើកច្រើនសាររួចមកហើយ។
អ្វីដែលគួរឲ្យកត់សម្គាល់នៅត្រង់ចំណុចនោះយើងសង្កេតឃើញថា អាជ្ញាធរបានសរសេរបដា«ហាមចោលសំរាមនៅទីនេះ» និងមានដាក់ធុងសំរាមដ៏ធំពីសំណាក់ក្រុមហ៊ុនស៊ិនទ្រីនៅលើផ្លូវនោះផងដែរ។ ប៉ុន្តែយើងនៅតែសង្កេតឃើញថា សំរាមជាច្រើនបានគរនៅក្បែរធុងសំរាមនោះ និងលើផ្លូវមួយចំនួនទៀតក្បែរៗនោះ។
យើងមិនដឹងមូលហេតុច្បាស់លាស់នោះទេ ថាហេតុអ្វីបានជាប្រជាពលរដ្ឋ អាជីវករ និងអ្នកប្រកបរបរសិប្បកម្ម និងឧស្សាហកម្មមួយចំនួននៅក្បែរនោះ នៅតែយកសំរាម និងកាកសំណល់នៅចោលនៅត្រង់ចំណុចនោះ? ហើយយើង ក៏មិនដឹងផងដែរថា ហេតុអ្វីបានជាក្រុមហ៊ុនស៊ិនទ្រី និងអាជ្ញាធរពាក់ព័ន្ធមិនទៅប្រមូលសំរាមចេញពីទីនោះ ហើយបណ្តោយឲ្យគរដូចភ្នំបែបនេះ?
គំនរសំរាមលើផ្លូវបេតុងមួយកន្លែងស្ថិតនៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ
គំនរសំរាមលើផ្លូវបេតុងមួយកន្លែងស្ថិតនៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ
គំនរសំរាមលើផ្លូវបេតុងមួយកន្លែងស្ថិតនៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ
គំនរសំរាមលើផ្លូវបេតុងមួយកន្លែងស្ថិតនៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ
Tag:
សំរាម
បិរស្ថាន
ត្រពាំងថ្លឹង១
ចោមចៅ១
© រក្សាសិទ្ធិដោយ thmeythmey.com