អន្តរជាតិ
លោកស្រី ផេឡូស៊ី ជាប់ឆ្នោតជាថ្មី ខណៈបក្សប្រជាធិបតេយ្យនាំមុខបណ្តោះអាសន្នក្នុងសភាតំណាង
លោកស្រី Nancy Pelosi ប្រធានសភាតំណាង។ រូបភាព៖ AFP
×![]()
ប្រធានសភាតំណាងអាមេរិក លោកស្រី ណាន់ស៊ី ផេឡូស៊ី ជាប់ឆ្នោតសារជាថ្មីក្នុងការបោះឆ្នោតសភាអាមេរិកនីតិកាលទី១១៧។ លោកស្រី ផេឡូស៊ី ឈរឈ្មោះទល់នឹងបេក្ខជនបក្សប្រជាធិបតេយ្យដូចគ្នា។
ក្នុងលទ្ធផលរាប់សន្លឹកអាសន្ន លោកស្រី ណាន់ស៊ី ផេឡូស៊ី ដោយទទួលបានសំឡេងជាង២២ម៉ឺន(៧៩ភាគរយ) ទល់នឹងលោក Shahid Buttar ដែលទទួលបានត្រឹមតែ៥ម៉ឺនសំឡេង(២០ភាគរយ)ប៉ុណ្ណោះ។ លោកស្រី ជាតំណាងរាស្ត្រក្នុងមណ្ឌលទី១២ នៃរដ្ឋកាលីហ្វ័រញ៉ា។
ស្របពេលជាមួយគ្នានេះ លទ្ធផលនៃការបោះឆ្នោតបណ្តោះអាសន្នក្នុងសភាតំណាងអាមេរិក បង្ហាញថាបក្សប្រជាធិបតេយ្យកំពុងនាំមុខបក្សសាធារណរដ្ឋ ដោយទទួលបានអាសនៈចំនួន១៨៩ ទល់និង១៨១អាសនៈ។ នៅសល់អាសនៈចំនួន៦៥ផ្សេងទៀតដែលមិនទាន់បង្ហាញលទ្ធផល។ ដើម្បីគ្រប់គ្រងសភាតំណាងបាន បក្សណាមួយត្រូវមានអាសនៈ២១៨ ក្នុងសភាដែលមានអាសនៈសរុបចំនួន៤៣៥៕
Tag:
អាមេរិក
© រក្សាសិទ្ធិដោយ thmeythmey.com
