​ក្រុម​យក្ស​អ៊ីតាលី ដែលមាន​កីឡាករ​ឆ្នើម​ជាច្រើន​ដូចជា Cristiano Ronaldo ជាដើម​អះអាងថា​ខ្លួន​នឹង​ក្លាយជា​ក្លិប​កីឡាបាល់ទាត់​ពី​អឺរ៉ុប​ដំបូង​គេ​ដែល​បើក​ដំណើរការ​ប៉ុស្តិ៍​ទូរទស្សន៍​ផ្ទាល់ខ្លួន​នៅលើ Amazon វីដេអូ (APV)​។ បើតាម​ការផ្សាយ​របស់​ទីភ្នាក់ងារ​ព័ត៌មាន Reuters សេវាកម្ម​នេះ​នឹងមាន​តម្លៃ​ប្រចាំខែ​ប្រមាណ ៣,៩៩ អឺរ៉ូ (៤,៦៩​ដុល្លារ​)​។​
 

​បើតាម​ការចុះផ្សាយ​ពី​បណ្តាសារ​ព័ត៌មាន​ដទៃ ក្រុមហ៊ុន Amazon កំពុង​ផ្តោតលើ​ការចាក់ផ្សាយ​ព្រឹត្តិការណ៍​កីឡា​នៅក្នុង​ប្រទេស​អ៊ីតាលី ខណៈ​ពួកគេ​ក៏​ខិតជិត​នឹង​ទទួលបាន​សិទ្ធិ​ក្នុង​ការផ្សាយ​ការប្រកួត​ក្របខណ្ឌ​អឺរ៉ុប  Champions League សម្រាប់​រដូវ​កាល ២០២១ ដល់ ២០២៤ ទៀតផង​។​
 

​ក្រុម​រហស្សនាម​សេះបង្កង់ និង​ជា​ម្ចាស់​ការពារ​ជើងឯក​ដែលមាន​លោក Andrea Pirlo ជា​អ្នកចាត់ការ​ទូទៅ ស្ថិតនៅ​ចំណាត់ថ្នាក់​ទី​៣​ក្នុង​តារាង​លី​គ​កំពូល​អ៊ីតាលី​រដូវ​កាល​នេះ ដោយ​រកបាន​១២​ពិន្ទុ​ពី​ការប្រកួត​៦​លើក តាម​ពីក្រោយ​ក្រុម​កំពូល​តារាង AC Milan ចំនួន​៤​ពិន្ទុ​៕

​