កីឡាជាតិ
ជាតិ
សកម្មភាពប្រកួតរវាងក្រុមព្រៃវែង(អាវខៀវ)ជាមួយភ្នំពេញក្រោននៅវគ្គផ្តាច់ព្រ័ត្រដណ្តើមចំណាត់ថ្នាក់លេខ៣
×![]()
ក្រុមបាល់ទាត់ព្រៃវែងទទួលបានចំណាត់ថ្នាក់លេខ៣ក្នុងការប្រកួតពានរង្វាន់សម្តេច ហ៊ុន សែន ឆ្នាំ២០២០ ក្រោយយកឈ្នះក្រុមភ្នំពេញក្រោនក្នុងលទ្ធផល ៤-២ នាជំនួបផ្តាច់ព្រ័ត្រនៅថ្ងៃទី៧ ខែវិច្ឆិកា ឆ្នាំ២០២០ នាពហុកីឡដ្ឋានជាតិ។ 
គ្រាប់បាល់នាំមុខ ១-០ សម្រាប់ភ្នំពេញក្រោនលើក្រុមព្រៃវែងបានកើតឡើងត្រឹម៥៣វិនាទីក្នុងតង់ទី១ ដែលសម្រេចបានដោយការតែតបញ្ចូលទីរបស់កីឡាករ ប្រាក់ ធីវ៉ា។ ក្រោយមកកីឡាករ គី រីណា បានរកគ្រាប់បាល់តាមស្មើ ១-១ ឲ្យក្រុមព្រៃវែងនៅនាទីទី៣៣ មុនកីឡាករ ពៅ ប៉ុនវុទ្ធី សម្រេចគ្រាប់បាល់នាំមុខ ២-១ សាជាថ្មីឲ្យភ្នំពេញក្រោននៅចុងតង់ទី១។
ការប្រកួតតង់ទីពីរដំណើរការបានពីរនាទីកីឡាករ ពៅ ចាន់ថេត បានរកគ្រាប់បាល់តាមស្មើ ២-២ ឲ្យព្រៃវែង មុនកីឡាករ វឿន វ៉ា រកគ្រាប់បាល់នាំមុខ ៣-២ ឲ្យព្រៃវែងនៅនាទីទី៥៤។ ភ្នំពេញក្រោនបានព្យាយាមដាក់សម្ពាធយ៉ាងខ្លាំងមកលើព្រៃវែង តែធ្វើមិនបានសម្រេច។ ឈាននាទីទី៧៧ ខ្សែប្រយុទ្ធ វុធ តុលា បានសម្រេចគ្រាប់ទី៤សម្រាប់ព្រៃវែង ដើម្បីបង្កើនការនាំមុខ ៤-២ លើភ្នំពេញក្រោន។
ក្រុមទាំងពីរបានរក្សាលទ្ធផលនេះរហូតចប់ការប្រកួត។ ជ័យជម្នះជួយឲ្យក្រុមជើងឯកថ្នាក់ខេត្ត ព្រៃវែង ទទួលបានចំណាត់ថ្នាក់លេខ៣។ វាជាប្រវត្តិសាស្ត្រ ដែលក្រុមឡើងមកពីពានថ្នាក់ខេត្ត ទទួលបានចំណាត់ថ្នាក់លេខ៣ក្នុងពានសម្តេច ហ៊ុន សែន ថ្នាក់ជាតិប្រចាំឆ្នាំ២០២០៕
Tag:
បាល់ទាត់
Hun Sen Cup 2020
© រក្សាសិទ្ធិដោយ thmeythmey.com
