ជាតិ
×![]()
ពោធិ៍សាត់៖ បើយើងធ្វើដំណើរតាមផ្លូវជាតិ៥៥ពីទីរួមខេត្តពោធិ៍សាត់ ចម្ងាយប្រមាណ១៣៥គីឡូម៉ែត្រលោកអ្នកនបានទស្សនានូវទិដ្ឋភាពធម្មជាតិព្រៃភ្នំដ៏ស្រស់បំព្រងធ្វើឲ្យអារម្មណ៍លោកអ្នក ស្រស់ស្រាយផងដែរ។ ក្រៅពីធម្មជាតិពណ៌ខៀវស្រងាត់នៅតាមផ្លូវជាតិលេខ៥៥ លោកអ្នក នឹងបានទស្សនា «ផ្លូវអន្ទង់អាំង» ឬ «ផ្លូវបុប្ផាលាក់ខ្លួន» ជាផ្លូវដែលជាទីពេញនិយមសម្រាប់អ្នកដែលចូលចិត្តថតរូប និងចូលចិត្តសម្រស់ធម្មជាតិ។
បើតាមលោក ជា ងួនវ៉ាង ជាភ្ញៀវទេសចរដែលតែងតែមកទស្សនាតំបន់វាលវែងនេះ បានរៀបរាប់ថាលោកពិតជាស្រឡាញ់តំបន់នេះ យ៉ាងខ្លាំងព្រោះតំបន់នេះ មានទេសភាពមិនចាញ់ខេត្តមណ្ឌលគិរីនោះឡើយហើយអ្វីដែលពិសេសតំបន់វាលវែង មានសក្កានុពលទេសចរជាច្រើន ដូចជា៖ផ្លូវអន្ទង់អាំង, ភ្នំ១០០៥,ទឹកធ្លាក់ថ្មដាតូច និងតំបន់ទេសចរណ៍បែបផ្សងព្រេងជាច្រើនកន្លែងទៀតផងដែរ។
សូមបញ្ជាក់ផងដែរ សព្វថ្ងៃនៅតំបន់វាលវែងភ្ញៀវទេសចរអាចស្នាក់នៅផ្ទះស្នាក់,រីសត ឬអាចបោះតង់ស្នាក់នៅពេលរាត្រីអាចគេងស្តាប់សំឡេងចង្រិតយំ ពេលព្រឹកអាចទស្សនាថ្ងៃរះ និងពេលរសៀលអាចថ្ងៃលិចយ៉ាងស្រស់ស្អាតទៀតផង។
សូមអញ្ជើញទស្សនារូបភាពខាងក្រោមដូចតទៅ៖
Tag:
ទេសចរណ៍
វាលវែង
ភ្នំ១០០៥
© រក្សាសិទ្ធិដោយ thmeythmey.com
