បើអ្នកស្រីឱ វណ្ណឌីន បុរសជនជាតិខ្មែរ២នាក់ដែលឆ្លងជំងឺកូវីដ-១៩នោះ ដោយមានម្នាក់វ័យ២៩ឆ្នាំ មានអាស្រយដ្ឋាននៅភូមិរាំដេក  ឃុំគគីរធំ ស្រុកគៀនស្វាយ ខេត្តកណ្តាល។ រីឯ បុរសម្នាក់ទៀត មានវ័យ៣៨ឆ្នាំ  មានអាស្រយដ្ឋាន នៅឃុំរកាក្រៅ ក្រុងដូនពេញ ខេត្តតាកែវ។ អ្នកជំងឺកូវីដ-១៩ទាំងពីរនាក់នេះ គឺបានធ្វើដំណើរមកពីប្រទេសជប៉ុន ដោយបន្តជើងហោះហើរនៅសាធារណៈរដ្ឋកូរ៉េ ហើយមកដល់កម្ពុជា កាលពីថ្ងៃទី២៦តុលា ឆ្នាំ២០២០។  បច្ចុប្បន្ន កំពុងសម្រាកព្យាបាលជំងឺនៅមន្ទីរពេទ្យមិត្តភាពខ្មែរ-សូវៀត។

 

ជាមួយនឹងគ្នានេះ អ្នកស្រីឱ វណ្ណឌីន បានបញ្ជាក់ថា តាមជើងហោះហើររបស់អ្នកជំងឺកូវីដ-១៩ទាំង២នាក់ខាងលើនេះ គឺក្រសួងសុខាភិបាលធ្លាប់រកឃើញបុរសជនជាតិខ្មែរ២នាក់ មានផ្ទុកនូវជំងឺកូវីដ-១៩នេះ ក្នុងដំណាក់កាលធ្វើតេស្តលើកទី១កន្លងមក ដោយមានម្នាក់បានជាសះស្បើយពីជំងឺនេះ និងម្នាក់ទៀតកំពុងសម្រាកព្យាបាលនៅមន្ទីរពេទ្យ។

 

ដោយឡែក មនុស្ស៣៥នាក់ទៀតដែលធ្វើដំណើរជាមួយអ្នកមានអ្នកជំងឺកូវីដ-១៩ទាំង៤នាក់ខាងលើនោះ គឺបានធ្វើតេស្តរកវីរុសកូវីដ-១៩ ដោយលទ្ធផលអវិជ្ជមានទាំងអស់គ្នា។ ប៉ុន្តែអ្នកស្រី ឱ វណ្ណឌីន បានអះអាងថាក្នុងចំណោមអ្នកទាំង៣៥នាក់នេះ មាន៧នាក់ដែលមានហានិភ័យក្នុងការឆ្លងការពីអ្នកជំងឺកូវីដ-១៩ ទាំង២នាក់ខាងលើ  ដោយតម្រូវឱ្យបន្តធ្វើចត្តាឡីស័ក១៤ថ្ងៃបន្ថែមទៀត នៅមណ្ឌលចត្តាឡីស័កវិទ្យាល័យពោធិ៍តុង ដើម្បីតាមដានសុខភាព។ 
 

 គិតត្រឹមថ្ងៃទី៩វិច្ឆិកា កម្ពុជារកឃើញអ្នកឆ្លងជំងឺកូវីដ-១៩ ចំនួន២៩៧នាក់។ ក្នុងនោះ មាន២៨៨ បានជាសះស្បើយ និង៩នាក់ទៀតកំពុងសម្រាកព្យាបាលជំងឺនៅមន្ទីរពេទ្យ៕