ជាតិ
បទសម្ភាសន៍
វីដេអូ
សុខភាព
មួលហេតុ៤យ៉ាង ធ្វើឱ្យស្ត្រីមានបញ្ហាធ្លាក់ឈាមក្រោយសម្រាលកូន
× ភ្នំពេញ៖ ការធ្លាក់ឈាមក្រោយសម្រាល គឺជាការបាត់បង់ឈាមលើសពី៥រយមីលីលីត្រ តាមការសម្រាលធម្មជាតិ និងលើសពី១ពាន់មីលីលីត្រ តាមការសម្រាលដោយវះកាត់។ ក្នុងបទសម្ភាសជាមួយសារព័ត៌មានថ្មីៗ លោកវេជ្ជណ្ឌិត ប៉ិច សុធី បានលើកឡើងថា បញ្ហាធ្លាក់ឈាមក្រោយសម្រាលនេះ បានឆក់យកជីវិតស្ត្រីច្រើនជាងគេ ក្នុងចំណោមបញ្ហា និងជំងឺលើស្ត្រីមានផ្ទៃពោះ ដូចជា បម្រុងក្រឡាភ្លើង ការក្លាយរោគ និងការពន្លូតកូនដោយគ្មានសុវត្ថិភាព។
លោកវេជ្ជបណ្ឌិតរូបនេះ បានបន្តថា មូលហេតុដែលធ្វើឱ្យស្ត្រីធ្លាក់ឈាមក្រោយសម្រាលមាន៤យ៉ាង គឺ ស្បូនខ្សោយ , ការដាច់រហែកមាត់ស្បូនក្រោយសម្រាល, ការរបើកសុក ឬសល់កម្ទេចសុក, និងកំណកឈាម។
ដើម្បីជ្រាបច្បាស់សូមអញ្ជើញលោក-អ្នកនាងទស្សនាបទសម្ភាសរវាងកញ្ញា អ៊ុត រស្មី អ្នកសារព័ត៌មាននៃសារព័ត៌មានថ្មីៗ ជាមួយលោកសាស្ត្រាចារ្យវេជ្ជបណ្ឌិត ប៉ិច សុធី ប្រធានមន្ទីរពហុព្យាបាលសម្ភពសោភាមានជ័យ ដូចតទៅ៖
លោកវេជ្ជបណ្ឌិត ប៉ិច សុធី ប្រធានមន្ទីរពហុព្យាបាលសម្ភពសោភាមានជ័យ បានបញ្ជាក់ថា ស្ដ្រីដែលមានបញ្ហាធ្លាក់ឈាមក្រោយសម្រាល នឹងមានអាការ ថប់ដង្ហើម និងបែកញើស ហើយក្នុងករណីនេះ បើមិនមានការអន្តរាគមន៍ពីគ្រូពេទ្យទាន់ពេលទេ នឹងធ្វើឱ្យស្ត្រីស្ថិតក្នុងស្ថានភាពសុកធ្ងន់ធ្ងរ និងអាចសន្លប់ឬបាត់បង់ជីវិត។
«នៅពេលដែលស្ត្រីធ្លាក់ឈាមខ្លាំង ឬធ្លាក់ឈាមតិចៗល្មមប៉ុន្ដែវាបន្តពេលអូសបន្លាយយូរមិនមានការព្យាបាលទាន់ពេល អីចឹងស្ត្រីអាចធ្លាក់ទៅក្នុងស្ថានភាពសុកធ្ងន់ធ្ងរ ដែលធ្វើឱ្យសរីរាង្គ សំខាន់ៗដូចជាថ្លើម បេះដូង តម្រងនោម អត់ធ្វើការ ដែលអាចប្រឈមមុខនឹងការស្លាប់»។នេះជាការអះអាងរបស់វេជ្ជបណ្ឌិត ប៉ិច សុធី៕
Tag:
ជំងឺ
ធ្លាក់ឈាមក្រោយសម្រាល
ប៉ិច សុធី
© រក្សាសិទ្ធិដោយ thmeythmey.com