ពីនេះ ពីនោះ
×![]()
ដោយ: ថ្មីៗ
តាមសទ្ទានុក្រមទស្សនវិជ្ជាខ្មែរ-អង់គ្លេស-បារាំង របស់ក្រុមប្រឹក្សាជាតិភាសាខ្មែរ ដែលបានបោះពុម្ពឡើងនៅឆ្នាំ២០១៩ បានពន្យល់ពាក្យ«គោលជំហរ»ដែលសរសេរជាភាសាអង់គ្លេស និងភាសាបារាំងដូចគ្នាថា(Attitude) សំដៅលើសភាពនៃការយល់ព្រម ឬការមិនព្រមខាងគំនិត ការពេញចិត្ត ឬការមិនពេញចិត្តដែលទាក់ទងនឹងវេទនារម្មណ៍ និងអារម្មណ៍ ហើយផ្ទុយទៅនឹងជំនឿ។
ជំនឿទាក់ទងនឹងហេតុការណ៍ និងការគិត។ ចំណែកឯគោលជំហរវិញ ទាក់ទងនឹងការវាយតម្លៃ និងការឆ្លើយតបខាងវេទនារម្មណ៍។ មនុស្សដែលមានជំនឿដូចគ្នា អាចនឹងមានគោលជំហរខុសគ្នា ឬក៏មនុស្សដែលមានគោលជំហរដូចគ្នា អាចមានជំនឿខុសគ្នាចំពោះកម្មវត្ថុតែមួយ។ ដូច្នេះការខុសគ្នារវាងគោលជំហរ និងជំនឿ ដូចគ្នាទៅនឹងការខុសគ្នារវាងតម្លៃ និងហេតុការណ៍។
សីលវិជ្ជាអត្តនោម័តិអះអាងថា គោលជំហរទាក់ទងដោយផ្ទាល់នឹងហេតុផលជំរុញ និងឥរិយាបថ និងអះអាងថា ការវិនិច្ឆ័យខាងសីលវិជ្ជា និងខាងតម្លៃ គឺជាបញ្ហានៃគោលជំហរជាជាងបញ្ហានៃការគិត។ ពាក្យគោលជំហរនេះ សម្រាប់ប្រើនៅក្នុងសីលវិជ្ជា និងទស្សនវិជ្ជាស្តីពីអំពើ។ នេះបើតាមការពន្យល់របស់ក្រុមប្រឹក្សាជាតិភាសាខ្មែរ៕
© រក្សាសិទ្ធិដោយ thmeythmey.com
