ជាតិ
បទសម្ភាសន៍
វីដេអូ
សុខភាព
តើការធ្លាក់ឈាមក្រោយសម្រាល អាចធ្វើឱ្យទារកប្រឈមមុខនឹងបញ្ហាដែរទេ?
× ភ្នំពេញ៖ បញ្ហាធ្លាក់ឈាមក្រោយសម្រាល បណ្ដាលមកពីមូលហេតុ៤យ៉ាងគឺ ស្បូនខ្សោយ , ការដាច់រហែកមាត់ស្បូនក្រោយសម្រាល, ការរបើកសុក ឬសល់កម្ទេចសុក និងកំណកឈាម។ បើតាមលោកវេជ្ជបណ្ឌិត ប៉ិច សុធី ការធ្លាក់ឈាមក្រោយសម្រាលនេះ មិនត្រឹមតែអាចធ្វើឱ្យស្ត្រីស្លាប់នោះទេ តែក៏អាចប៉ះពាល់ដល់ជីវិតកូនផងដែរ។
ដើម្បីជ្រាបច្បាស់សូមអញ្ជើញលោក-អ្នកនាងទស្សនាបទសម្ភាសរវាងកញ្ញា អ៊ុត រស្មី អ្នកសារព័ត៌មាននៃសារព័ត៌មានថ្មីៗ ជាមួយលោកសាស្ត្រាចារ្យវេជ្ជបណ្ឌិត ប៉ិច សុធី ប្រធានមន្ទីរពហុព្យាបាលសម្ភពសោភាមានជ័យ ដូចតទៅ៖
ក្នុងបទសម្ភាសជាមួយសារព័ត៌មានថ្មីៗ លោកវេជ្ជបណ្ឌិត ប៉ិច សុធី បានអះអាងថា បើសិន ស្ត្រីធ្លាក់ឈាមក្រោយសម្រាល ដោយសារការរបើកសុក ឬសុកតោងទាប នោះនឹងធ្វើឱ្យទារកខ្សោយ ឬអាចបាត់បង់ជីវិត តែបើបណ្ដាលមកពីមូលហេតុផ្សេង មិនប៉ះពាល់ជីវិតទារកបាននោះទេ។
លោកវេជ្ជបណ្ឌិត ប៉ិច សុធី បានពន្យល់ដូច្នេះថា៖«បើគាត់មានការធ្លាក់ឈាមបណ្ដាលមកពីបញ្ហាសុក អីចឹងអាចធ្វើឱ្យប៉ះពាល់ដល់សុខភាពរបស់ទារក ពីព្រោះទារកគាត់ត្រូវការឈាមពីម្ដាយតាមរយៈទងសុកទៅចិញ្ចឹម។ អីចឹងបើសុកហ្នឹងមានបញ្ហាអាចឱ្យទារកខ្សោយដែរ។ ប៉ុន្តែបើសិន ការធ្លាក់ឈាមនេះ បណ្ដាលមកពីមូលហេតុផ្សេងទៀត ដែលមិនទាក់ទងនឹងសុកទេ អីចឹងកូនកើតហើយបានមានការធ្លាក់ឈាម នោះមិនប៉ះពាល់ដល់សុខភាពទារកទេ»។
ប្រធានមន្ទីរពហុព្យាបាលសម្ភពសោភាមានជ័យរូបនេះ បានណែនាំថា អំឡុងពេលស្ត្រីមានផ្ទៃពោះ ត្រូវពិនិត្យសុខភាពឱ្យបានទៀងទាត់ និងបរិភោគអាហារឱ្យបានត្រឹមតត្រូវតាមការណែនាំរបស់គ្រូពេទ្យជំនាញ ដើម្បីការពារភាពមិនប្រក្រតី និងការធ្លាក់ឈាមក្រោយសម្រាល៕
Tag:
ជំងឺ
ធ្លាក់ឈាមក្រោយសម្រាល
ប៉ិច សុធី
© រក្សាសិទ្ធិដោយ thmeythmey.com