កីឡាអន្តរជាតិ
អន្តរជាតិ
សមាជិកជម្រើសជាតិកូរ៉េខាងត្បូង១០នាក់ឆ្លង COVID-19 អំឡុងប្រកួតមិត្តភាព
×![]()
ដោយ: ទេព ពិទូរ្យ
សមាជិកក្រុមកីឡាបាល់ទាត់ជម្រើសជាតិកូរ៉េខាងត្បូងចំនួនពីរនាក់ទៀតបានតេស្តចេញលទ្ធផលវិជ្ជមានជំងឺ COVID-19។ សហព័ន្ធកីឡាបាល់ទាត់កូរ៉េខាងត្បូង (KFA) បានប្រកាសនៅថ្ងៃទី១៩ វិច្ឆកា ដោយសរុបមកដល់ពេលនេះកើនចំនួនអ្នកឆ្លងដល់១០នាក់ហើយ។
Hwang Hee-chan ខ្សែប្រយុទ្ធ RB Leipzig ក៏ស្ថិតក្នុងចំណោមអ្នកឆ្លងទាំង១០ផងដែររបស់សមាជិកក្រុមជម្រើជាតិកូរ៉េខាងត្បូងផងដែរ។ Hwang និងបុគ្គលិកក្រុមម្នាក់ទៀតបានធ្វើតេស្តវិជ្ជមានជំងឺរាតត្បាតនេះ បន្ទាប់ពីការប្រកួតមិត្តភាពអន្តរជាតិដែលកូរ៉េខាងត្បូងបានទទួលជ័យជំនះលើកក្រុមកាតា ២-១ កាលពីថ្ងៃទី១៧ វិច្ឆិកា។
ដោយឡែក កីឡាករ៦នាក់ និងបុគ្គលិក២នាក់ទៀត បានតេស្តវិជ្ជមានកាលពីចុងសប្តាហ៍មុននៅពេលកូរ៉េខាងត្បូង ចាញ់ម៉ិកស៊ិកក្នុងលទ្ធផល ៣-២។
ជុំវិញការឆ្លងខ្សែប្រយុទ្ធ Hwang Hee-chan ក្លិប RB Leipzig នៃក្របខណ្ឌ Bundesliga ប្រកាសថាកីឡាកររបស់ពួកគេរូបនេះ នឹងត្រូវខកខានការប្រកួតមួយចំនួនសម្រាប់ក្រុម ដ្បិតត្រូវដាក់ឲ្យនៅដាច់ដោកឡែក និងទទួលការធ្វើតេស្តជាប្រចាំរហូតជាសះស្បើយ។
ការប្រកួតមិត្តភាពរបស់ក្រុមជម្រើសជាតិកូរ៉េខាងត្បូងទាំងពីរលើកនេះ សុទ្ធតែធ្វើឡើងនៅក្នុងប្រទេសអូទ្រីស៕
Tag:
COVID-19
ជម្រើសជាតិកូរ៉េខាងត្បូង
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
