អន្តរជាតិ
កុមារី Harmonie-Rose ឈ្នះពានអន្តរជាតិសម្រាប់ការបង្ហាញសមត្ថភាពកាយសម្ព័ន្ធ
× កុមារី Harmonie-Rose បានឈ្នះមេដាយមាសក្នុងការបញ្ចេញសមត្ថភាពកីឡាជាអន្តរជាតិមួយសម្រាប់ប្រភេទក្រុមកុមារអាយុក្រោម១២ឆ្នាំ។ កុមារីអង់គ្លេស ដែលពិការទាំងដៃ និងទាំងជើងដោយសារជំងឺរលាកស្រោមខួរ បានបង្ហាញពីទេពកោសល្យផ្នែកកាយសម្ព័ន្ធ តាមរយៈឃ្លីបវីដេអូជាង១នាទី។
«Harmonie ក្លាយជាម្ចាស់មេដាយមាស»។ នេះជាបញ្ជាក់ក្នុងបណ្តាញសង្គម Twitter “Hope4Harmonie” ដោយបញ្ជាក់ថា នាងជាស្ថិតក្នុងចំណោមកុមារ១៣៨នាក់ទូទាំងពិភពលោកដែលបានចូលរួមប្រកួតប្រជែង ក្នុងព្រឹត្តិការណ៍ United Through Sports នាទិវាយុវយជនពិភពលោកតាមប្រព័ន្ធអ៊ីនធ័រណិត។
ក្នុងព្រឹត្តិការណ៍ដែលជាផ្នែកមួយនៃការរៀបចំរបស់គណៈកម្មការអូឡាំពិកអន្តរជាតិ កុមារី Harmonie បានថតវីដេអូ១នាទី ទាក់ទងនឹងសកម្មភាពកាយសម្ព័ន្ធរបស់ខ្លួននៅ Baskervilles Gym នាក្រុង Bath ប្រទេសអង់គ្លេស។ នេះបើតាមការផ្សាយរបស់
ITV News
Harmonie-Rose អាយុ៦ឆ្នាំ មានជំងឺរលាកស្រោមខួរ (Meningitis B) នៅពេលមានអាយុត្រឹម១០ខែ ហើយក្រោយមក មានមេរោគក្នុងឈាម ដែលតម្រូវឲ្យមានការកាត់ដៃជើងរបស់នាងចេញ។
តាមរយៈការលើកចិត្តពីសំណាក់ក្រុមគ្រួសារ សហគមន៍ និងតារាល្បីៗ Harmonie មានជីវិតរស់នៅដ៏រីករាយ ហើយនាងតែងតែទទួលបានជោគជ័យជាបន្តបន្ទាប់ផងដែរ។ Harmonie ចង់ឲ្យមនុស្សទាំងអស់ត្រូវបានយកចិត្តទុកដាក់ និងពោរពេញទៅដោយការគោរព៕
© រក្សាសិទ្ធិដោយ thmeythmey.com