ជាតិ
សង្គមជាតិ
បាតុភូត«ឡានីណា»នឹងធ្វើឲ្យតំបន់ជួរភ្នំដងរែក និងខ្ពង់រាបភាគឦសានចុះត្រជាក់ពី១៦ទៅ២១អង្សា
× ភ្នំពេញ៖ ក្រសួងធនធានទឹក និងឧតុនិយមបានព្យាករថា កម្ពុជានឹងរងបាតុភូតឡានីណា(La Nina) ដែលធ្វើឲ្យជ្រលងសម្ពាធខ្ពស់ពីប្រទេសចិនគ្រប់ដណ្តប់មកកម្ពុជា។ បើតាមក្រសួងធនធានទឹក បាតុភូតនេះនឹងនាំឲ្យតំបន់ជួរភ្នំដងរែក និងខ្ពង់រាបភាគឦសាន នឹងមានសីតុណ្ហភាពចុះត្រជាក់រង្វង់ពី១៦ ទៅ២១អង្សា ចាប់ពីដើមខែឆ្នូ រហូតដល់ខែចុងខែមករា ឆ្នាំ២០២១។
ក្រសួងធនធានទឹកបានបញ្ជាក់ថា ការចុះត្រជាក់នេះនឹងកើតឡើងចំនួន២លើក ដោយលើកទី១ ចាប់ពីសប្តាហ៍ទី១ ដល់សប្តាហ៍ទី៣ នៃខែធ្នូ សម្រាប់ខេត្តនៅភាគខាងលើ ក្នុងតំបន់ជួរភ្នំដងរែក និងខ្ពង់រាបភាគឦសាន ក្នុងសីតុណ្ហភាពអប្បបរមាពី១៨ ដល់២១អង្សា។ ចំពោះរាជធានី និងខេត្តដទៃទៀតចន្លោះពី១៩ ទៅ២២អង្សា។
ចំពោះការចុះត្រជាក់លើកទី២ ចាប់ពីសប្តាហ៍ទី៤ នៃខែធ្នូ ដល់បំណាច់ខែមករា ឆ្នាំ២០២០ សម្រាប់បណ្តាខេត្តដែលនៅជាប់តំបន់ភ្នំ និងតំបន់ខ្ពង់រាបភាគឦសាន នឹងចុះត្រជាក់ក្នុងសីតុណ្ហភាពអប្បបរមាពី១៦ ទៅ១៩អង្សា និងខេត្តដទៃទៀតចន្លោះពី១៨ ទៅ២១អង្សា។
បើតាមក្រសួងធនធានទឹក ការចុះត្រជាក់នៅរដូវប្រាំង ឬរដូវរំហើយចាប់ពីខែធ្នូ ដល់ខែមករា ឆ្នាំ២០២១ខាងមុខនេះ គឺជាការចុះត្រជាក់ខ្លាំងជាងបណ្តាឆ្នាំមុនៗទៅទៀត៕
© រក្សាសិទ្ធិដោយ thmeythmey.com