បទ ផ្កាឈូករីក
 

-ស្អាតថ្ងៃនេះ ថ្ងៃស្អែកស្អាត ស្អាតដរាប

ស្អាតថ្ងៃនេះ ក្លិនឆ្អេះឆ្អាប បាត់តាមផ្លូវ

ស្អាតថ្ងៃនេះ យើងគ្រប់គ្នា រួមខុសត្រូវ

ស្អាតថ្ងៃនេះ ពីម៉ែឪ កូនស្អាតតាម។

 

-រួមសម្អាត ធ្លាសាលា ផ្សារធំតូច

រួមសម្អាត ឈប់ខិលខូច ផ្គើនបម្រាម

រួមសម្អាត ឃើញគេចោល កុំចោលតាម

រួមសម្អាត ឃើញសំរាម ហ៊ានបោសបារ។

 

-ដល់ពេលស្អាត ស្អាតគ្រប់គ្នា ជាទម្លាប់

ដល់ពេលស្អាត ប្រកាន់ខ្ជាប់ ច្បាប់មាត្រា

ដល់ពេលស្អាត ស្អាតពីរាស្ត្រ រួមរដ្ឋា

ដល់ពេលស្អាត រួមរក្សា បរិស្ថាន៕