COVID-19
ជាតិ
ក្រសួងវប្បធម៌បិទរោងភាពយន្ត រោងសម្ដែងសិល្បៈ និងសារមន្ទីរ ២សប្តាហ៍សារជាថ្មីម្តងទៀត រូបពីហ្វេសប៊ុកនាយកដ្ឋានសិល្បៈទស្សនីយភាព
× ភ្នំពេញ៖ ដោយមើលឃើញពីផលប៉ះពាល់នៃការរីករាលដាលជាសកលនៃជំងឺកូវីដ-១៩ និងចៀសវាងការឆ្លងរាលដាលក្នុងសហគមន៍ ក្រសួងវប្បធម៌និងវិចិត្រសិល្បៈ បានប្រកាសផ្អាកការចូលទស្សនាសារមន្ទីរ ផ្អាកដំណើរការរោងភាពយន្ត និងរោងសម្ដែងគ្រប់ប្រភេទ នៅទូទាំងប្រទេស រយៈពេល២សប្ដាហ៍ ជាបណ្ដោះអាសន្ន ដោយអនុវត្តចាប់ពីថ្ងទី៣០ខែវិច្ឆិកា ឆ្នាំ២០២០នេះតទៅ។ នេះបើតាមសេចក្ដីជូនដំណឹង របស់ក្រសួងវប្បធម៌ និងវិចិត្រសិល្បៈ នៅព្រឹកថ្ងៃទី៣០នេះ។
ការសម្រេចឱ្យបិទរោងភាពយន្ត រោងសម្ដែង និងសារមន្ទីរ ជាបណ្ដោះអាសន្ននេះ ធ្វើឡើងជាថ្មី ក្រោយពីកម្ពុជាបានរកឃើញ ករណីវិជ្ជមានកូវីដ-១៩បន្ថែមទៀត ដោយមិនដឹងប្រភពច្បាស់លាស់ លើស្ត្រីជនជាតិខ្មែរម្នាក់ កាលពីថ្ងៃទី២៨ខែវិច្ឆិកា២០២០។
ជាមួយគ្នានោះ សម្ដេចនាយករដ្ឋមន្ត្រី បានកំណត់ឱ្យហៅករណីឆ្លងគ្មានប្រភព ដែលតេស្តឃើញកាលពីថ្ងៃទី២៨វិច្ឆិកានោះថា “ព្រឹត្តិការណ៍សហគមន៍២៨វិច្ឆិកា” ដែលមានអ្នកឆ្លងដល់ទៅ១៤នាក់ហើយ៕
Tag:
ក្រសួងវប្បធម៌
រោងភាពយន្ត
សិល្បៈ
សារមន្ទីរ
© រក្សាសិទ្ធិដោយ thmeythmey.com