ជាតិ
ខួប៥ឆ្នាំនៃការដាក់បញ្ចូលល្បែងទាញព្រ័ត្រ ក្នុងបញ្ជីបេតិកភ័ណ្ឌពិភពលោក រូបពីហ្វេសប៊ុកក្រសួងវប្បធម៌ និងវិចិត្រសិល្បៈ
× ភ្នំពេញ៖ ថ្ងៃនេះជាខួប៥ឆ្នាំ នៃការដាក់បញ្ចូលល្បែងទាញព្រ័ត្រ ចូលទៅក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ របស់អង្គការយូណេស្កូ ២ធ្នូ២០១៥- ២ធ្នូ២០២០។
ការចុះបញ្ជីល្បែងទាញព្រ័ត្រ ដែលជាល្បែងចម្រុះជាតិសាសន៍ ក្នុងបញ្ជីបេតិកភណ្ឌពិភពលោកនេះ កើតចេញពីការប្រឹងប្រែងរួមគ្នារបស់កម្ពុជា ហ្វីលីពីន កូរ៉េខាងត្បូង និងវៀតណាម។
សម្រាប់កម្ពុជា ទាញព្រ័ត្រ គឺជាល្បែងដ៏ពេញនិយមដែលមាននៅក្នុងរឿងព្រេង និងមានឆ្លាក់នៅតាមជញ្ជាំងប្រាសាទបុរាណ។ នៅច្រកចូលប្រាសាទអង្គរធំ ក៏មានបដិមាទេពតា និងយក្ស ទាញសត្វនាគរាជនៅអមសងខាងផ្លូវ ដែលមានទម្រង់ដូចគ្នានឹងការទាញព្រ័ត្រដែរ។
ល្បែងទាញព្រ័ត្រក្នុងប្រទេសកម្ពុជា គេនិយមលេងនៅក្នុងរដូវចូលឆ្នាំប្រពៃណីជាតិ។ ល្បែងដែលជាទីពេញនិយមសម្រាប់យុវជនយុវនារីពេញកម្លាំងនេះ បានបង្ហាញពីការរួបរួមសាមគ្គីគ្នាជាធ្លុងមួយ ដើម្បីយកឈ្នះគូបដិបក្ខ៕
Tag:
បេតិកភណ្ឌពិភពលោក
ល្បែងទាញព្រ័ត្រ
ខួប
យូណេស្កូ
© រក្សាសិទ្ធិដោយ thmeythmey.com