កូវីដ-១៩ បានសម្លាប់មនុស្សជាង១.៥លាននាក់ហើយនៅលើពិភពលោក ដោយរាប់តាំងពីពលរដ្ឋសាមញ្ញ ដល់បុគ្គលសំខាន់ៗ ទាំងក្នុងតំណែង និងអតីតមេដឹកនាំ។ តាមសម្រង់សារព័ត៌មានបរទេស ThmeyThmey បានស្រង់ឃើញបញ្ជីឈ្មោះអតីតមេដឹកនាំប្រទេសជាង១០នាក់ដែលបានស្លាប់ដោយសារជំងឺរាតត្បាតសាកលនេះ។
មេដឹកនាំទាំងនោះរួមមាន៖
១.លោក Ali Bozer អាយុ៩៥ឆ្នាំ អតីតនាយករដ្ឋមន្ត្រីស្តីទីតួកគី ឆ្នាំ១៩៨៩
២. លោក Valery Giscard d’Estaing អាយុ៩៤ឆ្នាំ អតីតប្រធានាធិបតីបារាំង (ឆ្នាំ១៩៧៤-១៩៨១)
៣.លោក Nur Hassan Hussein អាយុ៨៣ឆ្នាំ អតីតនាយករដ្ឋមន្ត្រីសូម៉ាលី (ឆ្នាំ២០០៧-២០០៩)
៤.លោក Joe Williams អាយុ៨៥ឆ្នាំ អតីតនាយករដ្ឋមន្ត្រីកោះ Cook (ឆ្នាំ១៩៩៩)
៥.លោក Pranab Mukherjee អាយុ៨៤ឆ្នាំ អតីតប្រធានាធិបតីឥណ្ឌា (ឆ្នាំ២០១២-២០១៧)
៦.លោក Sadiq al-Mahdi អាយុ៨៤ឆ្នាំ អតីតនាយករដ្ឋមន្ត្រីស៊ូដង់ (ឆ្នាំ១៩៦៦-១៩៦៧)
៧.លោក Joachim Yhombi-Opango អាយុ៨១ឆ្នាំ អតីតនាយករដ្ឋមន្ត្រីសាធារណរដ្ឋកុងហ្គោ (ឆ្នាំ១៩៩៣-១៩៩៦), អតីតប្រធានាធិបតីសាធារណរដ្ឋកុងហ្គោ (១៩៧៧-១៩៧៩)
៨.លោក Hasan Muatovic អាយុ៨០ឆ្នាំ អតីតនាយករដ្ឋមន្ត្រីសាធារណរដ្ឋបូស្នី និងហឺហ្សេកូហ្គោវីន (ឆ្នាំ១៩៩៦-១៩៩៧)
៩.លោក Jerry Rawlings អាយុ៧៣ឆ្នាំ អតីតប្រធានាធិបតីហ្គាណា (ឆ្នាំ១៩៧៩ និងពីឆ្នាំ១៩៨១-២០០១)
១០.លោក Hasan Al-Lawzi អាយុ៦៨ឆ្នាំ អតីតនាយករដ្ឋមន្ត្រីស្តីទីយ៉េមែន (ឆ្នាំ២០១១)
១១.លោក Mahmoud Jibril អាយុ៦៧ឆ្នាំ អតីតនាយករដ្ឋមន្ត្រីស្តីទីលីប៊ី (ឆ្នាំ២០១១)៕