COVID-19
កីឡាអន្តរជាតិ
អន្តរជាតិ
COVID-19៖ EPL និង EFL ផ្តល់ជំនួយ៣៣៦លានដុល្លារ សង្គ្រោះក្លិបតូចៗនៅអង់គ្លេស
× ក្របខណ្ឌ Premier League និងលីគកីឡាបាល់ទាត់អង់គ្លេស (EFL) នៅថ្ងៃទី៣ ខែធ្នូបានព្រមព្រៀងលើកញ្ចប់ថវិកាសង្គ្រោះចំនួន ២៥០ លានផោន (៣៣៦លានដុល្លារអាមេរិក) ដើម្បីសម្រួលបញ្ហាផ្នែកហិរញ្ញវត្ថុដល់ក្លិបនៅលីគលំដាប់ទាប អំឡុងវិបត្តិជំងឺ COVID-19។
បើតាមការចុះផ្សាយរបស់ទីភ្នាក់ងារព័ត៌មាន AFP ក្លិបនៅ League One និង League Two ដែលជាក្របខណ្ឌលំដាប់ទី៣ និងទី៤ របស់អង់គ្លេស នឹងទទួលបានជំនួយក្នុងចំនួនទឹកប្រាក់ ៦៧ លានដុល្លារអាមេរិក។
មួយវិញទៀត ស្ថាប័នគ្រប់គ្រងលីគកំពូលអង់គ្លេស ប្តេជ្ញាចិត្តផ្តល់ជំនួយផ្នែកហិរញ្ញវត្ថុបន្ថែមទៀតដើម្បីជួយដល់ EFL ជាប្រាក់កម្ចីចំនួន ២៧០លានដុល្លារអាមេរិកសម្រាប់ក្លិបនានាក្នុងក្របខណ្ឌលំដាប់ទី២ Championship ផងដែរ។
ការសម្រេចផ្តល់ប្រាក់ជំនួយក្នុងចំនួនដ៏ច្រើនេះ កើតឡើងបន្ទាប់ពីការចរចាជាច្រើនខែរវាង Premier League និង EFL ដ្បិតស្ថាប័នគ្រប់គ្រងនៅអង់គ្លេសទាំងពីរផលប៉ះពាល់ផ្នែកហិរញញវត្ថុលើសក្លិបតូចៗ ដែលបង្កដោយវិបត្តិ COVID-19។
លោក Rick Parry ប្រធាន EFL បានលើកឡើងជុំវិញការផ្តល់ជំនួយនេះថា៖ «គោលបំណង របស់យើង គឺដើម្បីធានាថាក្លិបនៅ EFL ទាំងអស់អាចជៀសផុតពីផលប៉ះពាល់ផ្នែកហិរញ្ញវត្ថុដោយសារជំងឺរាតត្បាតសកល។ ខ្ញុំមានសេចក្តីរីករាយដែលឥឡូវនេះយើងបានឈានដល់ដំណោះស្រាយសម្រាប់ក្លិបរបស់យើង»។
ក្រោយ COVID-19 ផ្ទុះឡើងខ្លាំង ក្លិបទាំងអស់នៅអង់គ្លេស និងនៅតំបន់អឺរ៉ុបផ្សេងទៀតត្រូវបានឲ្យផ្អាកការប្រកួតបណ្តោះអាសន្ននៅខែមីនា មុនពេលបើកឲ្យមានការប្រកួតវិញក្រោមលក្ខខណ្ឌបិទកីឡដ្ឋានរហូតសព្វថ្ងៃ៕
Tag:
Premier League
COVID-19
EFL
© រក្សាសិទ្ធិដោយ thmeythmey.com