២ឆ្នាំក្រោយ Ronaldo និង Messi ជួបគ្នាសារជាថ្មីក្នុងក្របខណ្ឌអឺរ៉ុប

កីឡាអន្តរជាតិ

អន្តរជាតិ

២ឆ្នាំក្រោយ Ronaldo និង Messi ជួបគ្នាសារជាថ្មីក្នុងក្របខណ្ឌអឺរ៉ុប

08, Dec 2020 , 4:59 pm

រូបភាព

ដោយ: ទេព ពិទូរ្យ

Cristiano Ronaldo និង Lionel Messi នឹងត្រូវជួបគ្នាជាលើកដំបូងក្រោយរយៈពេល២ឆ្នាំក្នុងជំនួបរវាង Juventus ជាមួយ Barcelona ពានរង្វាន់ Champions League វគ្គសន្សំពិន្ទុពូល G នៅរាត្រីថ្ងៃទី៨ ខែធ្នូ វេលាម៉ោង ៣:០០នាទី [ម៉ោងនៅកម្ពុជា]។

ចាប់តាំងពី Ronaldo ផ្លាស់ពី Real Madrid ទៅកាន់ក្លិបយក្សអ៊ីតាលីនៅឆ្នាំ ២០១៨ កំពូលកីឡាករទាំងពីរដែលធ្លាប់ប្រជែងគ្នានៅលើទីលានជិតមួយទសវត្សរ៍ ក៏ត្រូវអាក់ខានតតាំងគ្នារហូតដល់សព្វថ្ងៃ។ ដោយសារក្រុមរបស់ពួកគេស្ថិតក្នុងពូលជាមួយគ្នា ទើបអ្នកទាំងពីរមានឱកាសជួបគ្នាសាជាថ្មី។

Juventus និង Barcelona សុទ្ធតែទទួលបានកៅអីទៅកាន់វគ្គ១៦ក្រុមចុងក្រោយរៀងៗខ្លួន ក្រោយរកបានពិន្ទុនាំមុខដាច់ក្រុមពីរទៀតក្នុងពូល G។ ក្រុមសេះបង្កង់នៅចំណាត់ថ្នាក់ទី២មាន ១៣ ឯងក្រុមរហស្សនាមអ្នមមានបុណ្យនៅកំពូលតារាងមាន១៥ពិន្ទុហើយមានសំណល់គ្រាប់បាល់លើសដល់ទៅ៧គ្រាប់ផង។

ដូច្នេះជំនួបចុងក្រោយក្នុងពូល G នេះគ្រាន់ជាការប្រកួតបង្គ្រប់កិច្ចប៉ុណ្ណោះ ប៉ុន្តែអ្វីដែលពិភពលោកទន្ទឹងរង់ចាំគឺការជួបគ្នារបស់ Ronaldo និង Messi។ ដំបូងឡើយម្ចាស់ពាន Ballon D’or ច្រើនជាងគេទាំងពីរ អាចនឹងជួបគ្នាម្តងរួចមកហើយនាកាប្រកួតដែល Barca ឈ្នះនៅទឹដី Juventus ២-០ កាលពីជើងទី១នោះ។ ប៉ុន្តែដោយសារ ប្រធានក្រុមជម្រើសជាតិព័រទុយហ្គាល់ វ័យ៣៥ឆ្នាំឆ្លង COVID-19 ទើបអាក់ខានទៅវិញ។

នៅរាត្រីនេះ គេរំពឹងថាក្រុមយក្សទាំងពីរនឹងដាក់ Super Star របស់ពួកគេលេងរៀងខ្លួន ខណៈ Messi ត្រូវបានអ្នកចាត់ការទូទៅលោក Ronald Koeman ទុកជើងពីរប្រកួតរួចហើយ ក្នុងជំនួបទល់នឹង Dynamo Kyiv និង Ferencvaros។

ជំនួបផ្តាច់ព្រ័ត្រតាមពូលដទៃទៀត៖

ពូល E

Chelsea Vs FC Krasnodar

Rennes Vs Sevilla

ពូល F

Lazio Vs Club Brugge

Zenit St. Petersburg Vs Borussia Dortmund

ពូល G

Barcelona Vs Juventus

Dynamo Kyiv Vs Ferencvaros

ពូល H

Paris Saint-Germain Vs Istanbul Basaksehir