កីឡាអន្តរជាតិ
អន្តរជាតិ
UEFA អញ្ជើញកាតាឲ្យចូលលេងក្នុងវគ្គជម្រុះពានរង្វាន់ Euro ដើម្បីត្រៀម World Cup
×![]()
ដោយ: ទេព ពិទូរ្យ
សហព័ន្ធកីឡាបាល់ទាត់ទ្វីបអឺរ៉ុប (UEFA) បានអញ្ជើញក្រុមកីឡាបាល់ទាត់ជម្រើសជាតិកាតាឲ្យចូលរួមក្នុងការប្រកួតវគ្គជម្រុះពានរង្វាន់ Euro ក្នុងពូល A។ ការអញ្ជោះញនេះ ក្នុងគោលបំណងជួយឲ្យកាតាដើម្បីត្រៀមខ្លួនក្នុងការរៀបចំព្រឹត្តិការណ៍បាល់ទាត់ពិភពលោក FIFA World Cup ឆ្នាំ២០២២ ។
កាតានឹងលេងក្នុងលក្ខខណ្ឌមិត្តភាពប៉ុណ្ណោះដោយត្រូវជួបម្ចាស់ការពារជើងឯក ព័រទុយហ្គាល់ ស៊ែប៊ី សាធារណរដ្ឋអៀរឡង់ លុចសំបួ និង អាហ្សែប៊ៃហ្សង់។
ក្នុងនាមជាម្ចាស់ផ្ទះ World Cup កាតាទទួលបានកៅអីដោយស្វ័យប្រវត្តិដោយមិនចាំបាច់ប្រកួតជម្រុះតាមតំបន់ឡើយ ដែលនេះបានធ្វើឲ្យពួកគេមិនសូវមានការប្រកួតច្រើនដើម្បីពង្រឹងសមត្ថភាពក្រុម។ នេះជាលើកដំបូងបំផុត ដែលប្រទេសមិនមែនអឺរ៉ុបបានចូលរួមក្នុងការប្រកួតក្របខណ្ឌរបស់ UEFA។
កាតា ដែលបានផ្តួលជប៉ុនដើម្បីឈ្នះពានរង្វាន់ទ្វីបអាស៊ីឆ្នាំ ២០១៩ ក៏ធ្លាប់បានអញ្ជើញឲ្យចូលលេងនៅ Copa America រួចមកហើយដោយទទួលបានមួយពិន្ទុពីការប្រកួតក្នុងពូលដែលមានអាហ្សង់ទីន កូឡុំប៊ី និងប៉ារ៉ាហ្គាយ នៅឆ្នាំ ២០១៩ ហើយនៅឆ្នាំ២០២១ ក្រុមក្នុងតំបន់អារ៉ាប់មួយនេះនឹងត្រូវចូលប្រកួតទៀតផងដែរ។
កាតាបច្ចុប្បន្នស្ថិតនៅចំណាត់ថ្នាក់ទី៥៥ក្នុងតារាងចំណាត់ថ្នាក់ពិភពលោករបស់ FIFA ហើយការដឹកនាំប្រកួតបាល់ទាត់ពិភពលោក World Cup ឆ្នាំ ២០២២ នឹងក្លាយជាការបង្ហាញខ្លួនលើកដំបូងក្នុងប្រវត្តិសាស្ត្របាល់ទាត់ពួកគេ៕
Tag:
UEFA
Euro
World Cup
កាតា
© រក្សាសិទ្ធិដោយ thmeythmey.com
