អាជ្ញាធររាជធានីប្រាប់ឲ្យពលរដ្ឋ រួសរាន់បង់ថ្លៃសំរាម ដើម្បីបញ្ចៀសផាកពិន័យ

ជាតិ

អាជ្ញាធររាជធានីប្រាប់ឲ្យពលរដ្ឋ រួសរាន់បង់ថ្លៃសំរាម ដើម្បីបញ្ចៀសផាកពិន័យ

10, Dec 2020 , 11:24 am

រូបភាព

ដោយ៖ ប៉ូ សុភា

ពលរដ្ឋ ដែលមិនទាន់បង់ថ្លៃសំរាម និងសំណល់រឹង នៅខែតុលា និងខែមុនៗនោះ ត្រូវរួសរាន់បង់ថ្លៃសំរាមឲ្យបានមុនបំណាច់ឆ្នាំ២០២០នេះ។ បើមិនដូច្នោះទេ អាជ្ញាធរ នឹងចាត់វិធានការកត់ជាបំណុល។នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ កាលពីថ្ងៃទី៩ វិច្ឆិកា។

បច្ចុប្បន្ននេះ រដ្ឋបាលរាជធានីភ្នំពេញនូវទទួលការបង់ថ្លៃប្រមូលសម្រាម និងសំណល់រឹងសម្រាប់ខែវិច្ចិកា ឆ្នាំ២០២០។ ដូច្នេះពលរដ្ឋដែលមិនទាន់បង់ថ្លៃសេវាប្រមូលសំរាម ត្រូវបង់ទូទាត់តាមប្រព័ន្ធនានាដូចជា វិក្កយបត្រអគ្គីសនីកម្ពុជា តាមរយៈប្រព័ន្ធអេឡិចត្រូនិច ឬតាមធនាគារអេស៊ីលីដា, ហត្ថាកសិករ, កាណាឌីយ៉ា, តាមABA, WING, AMK, FTB, WB Finance, លីហួរវេរលុយ និង PiPay។

«ដើម្បីចៀសវាងការអនុវត្តវិធានការផ្សេងៗជាបន្តបន្ទាប់ទៀត សូមបងប្អូនប្រជាពលរដ្ឋទាំងអស់ មេត្តារួសរាន់បង់ថ្លៃសេវាប្រមូលសំរាម និងសំណល់រឹង រាជធានីភ្នំពេញ ឲ្យបានទាន់ពេលវេលាកំណត់ នៅត្រឹមខែធ្នូ ឆ្នាំ២០២០នេះ»។ នេះជាការបញ្ជាក់របស់រដ្ឋបាលរាជធានីភ្នំពេញ៕