វគ្គ១៦ក្រុម UCL៖ ក្រោយ PSG ត្រូវប៉ះ Barca, Neymar ផ្ញើសារទៅ Messi ថា ជួបគ្នាឆាប់ៗ

កីឡាអន្តរជាតិ

អន្តរជាតិ

វគ្គ១៦ក្រុម UCL៖ ក្រោយ PSG ត្រូវប៉ះ Barca, Neymar ផ្ញើសារទៅ Messi ថា ជួបគ្នាឆាប់ៗ

15, Dec 2020 , 11:14 am

រូបភាព

ដោយ: ទេព ពិទូរ្យ

Paris Saint-Germain និង FC Barcelona នឹងត្រូវប៉ះគ្នាក្នុងវគ្គ១៦ក្រុមចុងក្រោយ UEFA Champions League។ ក្រោយការចាប់ឆ្នោតនៅវគ្គខ្វែងនៅក្រុង Nyon ប្រទេសស្វ៊ីសនៅយប់ថ្ងៃទី១៤ ខែធ្នូ Neymar បានផ្ញើសារទៅ Leonel Messi តាមរយៈបណ្តាញសង្គមថា «ជួបគ្នាឆាប់ៗសម្លាញ់»។

កន្លងមក ខ្សែបម្រើឆ្នើមសញ្ជាតិប្រេស៊ីលរូបនេះមិនដែលខ្មាស់អៀនក្នុងការបង្ហាញពីបំណងប្រាថ្នារបស់ខ្លួនក្នុងការចាប់ដៃគូជាមួយ Messi ជាថ្មីម្តងទៀតនោះទេ។ Neymar និងខ្សែបម្រើសញញ្ជាតិអាហ្សង់ទីនធ្លាប់ជាដៃគូដ៏មុតស្រួចកាលនៅរួមក្រុម Barcelona។

សម្រាប់ក្របខណ្ឌកំពូលអឺរ៉ុបរដូវកាលនេះ ក្រុមយក្ស PSG និង Barcelona ត្រូវជួបគ្នានៅវគ្គ១៦ក្រុមចុងក្រោយ និងជាការប្រកួតប្រជែងដ៏អស្ចារ្យរបស់ក្រុមទាំងពីរ។ ការប៉ះគ្នានេះ Neymar ក៏ត្រូវប្រឈមមុខនឹងក្រុមចាស់ រួមជាមួយអតីតដៃគូដ៏ល្អរបស់គេផងដែរ។

Nos vemos em breve meu amigo
Posted by Neymar Jr. on Monday, 14 December 2020

ខ្សែបម្រើវ័យ២៨ឆ្នាំ បានបង្ហោះលើបណ្តាញសង្គមរបស់ខ្លួនថាដោយមានភ្ញាប់រូបថតជាមួយ Messi ថានឹង«ជួបគ្នាឆាប់ៗសម្លាញ់»។ ការបង្ហោះបែបនេះ ត្រូវបានគេមើលឃើញថាគឺដោយសារអ្នកទាំងពីរត្រូវតតាំងគ្នាលើទីលានក្នុងនាមកីឡាកររបស់ក្រុមផ្សេងគ្នា។ ប៉ុន្តែបើគិតក្នុងផ្លូវមួយទៀត គេអាចយល់ថា Neymar កំពុងបង្ហាញពីការចាប់ដៃគូសាជាថ្មីជាមួយ Messi ឆាប់ៗនេះផងដែរ។

ថ្មីៗនេះ Neymar បាននិយាយថា រូបគេពិតជាពេញចិត្តក្នុងការជួបជុំជាមួយកីឡាករដែលបានចែករំលែកបទពិសោធច្រើននៅឯ Camp Nou។ការអះអាងបែបនេះ ត្រូវបានអ្នកតាមដានកីឡាបាល់ទាត់ជាច្រើនប៉ាន់ស្មានថា Neymar ពិតជាចង់ឲ្យប្រធានក្រុមអាហ្សង់ទីនវ័យ៣៣ឆ្នាំ ផ្លាស់ទៅកាន់ចូលរួមជាមួយក្រុមយក្សបារាំង។

ភាគរយនៃការចាកចេញរបស់ Messi ពីក្រុមយក្សអេស្ប៉ាញមានច្រើន ដ្បិតរូបគេមិនពេញចិត្តក្នុងការដឹកនាំរបស់ប្រធានក្លិប និងអ្នកចាត់ការសព្វថ្ងៃលោក Ronald Koeman។

ក្រុមដទៃទៀតដែលត្រូវជួបគ្នានៅវគ្គ១៦ក្រុមចុងក្រោយ៖

Monchengladbach Vs Manchester City

Lazio Vs Bayern Munich

AT-Madrid Vs Chelsea

Leipzing Vs Liverpool

FC Porto Vs Juventus

Sevilla Vs Dortmund

Atalanta Vs Real Madrid