ជាតិ
សេដ្ឋកិច្ច
ជប៉ុនផ្តល់ជំនួយជិត១លានដុល្លារ ដល់អង្គការ២លើផ្នែកវះកាត់កុមារ និងអប់រំ នៅក្រចេះ និងកណ្តាល លោក មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា (ឆ្វេង)។ រូបថត៖ ស្ថានទូតជប៉ុនប្រចាំកម្ពុជា
× ភ្នំពេញ៖ រដ្ឋាភិបាលជប៉ុន បានសម្រេចផ្តល់ថវិកាសរុប៩៦៨,៣៩០ដុល្លារ ដល់អង្គការខ្មែរចំនួនពីរ ដើម្បីលើកកម្ពស់ប្រព័ន្ធថែទាំលើផ្នែកវះកាត់កុមារ និងគម្រោងលើកកម្ពស់ការអប់រំបរិយាប័ន្នសម្រាប់កុមារពិការ។ បើតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំកម្ពុជានាថ្ងៃទី១៤ធ្នូ ឆ្នាំ២០២០ ការផ្តល់នូវថវិកាទាំងនេះ គឺជាជំនួយឥតសំណងរបស់ជប៉ុនក្នុងការចូលរួមអភិវឌ្ឍកម្ពុជា។
ក្នុងចំណោមថវិកាសរុបខាងលើនេះ ជប៉ុនបានផ្តល់ឱ្យអង្គការមូលនិធិសម្រាប់ការអភិវឌ្ឍន៍និងជំនួយសង្គ្រោះអន្តរជាតិ(FIDR)ជិត៦៩,៥ម៉ឺនដុល្លារ ដើម្បីអនុវត្តគម្រោងសល្យសាស្ត្រថែទាំលើផ្នែកវះកាត់កុមារប្រចាំខេត្តក្រចេះ និងប្រាក់ជិត២៧,៤លានដុល្លារទៀត គឺផ្តល់ឱ្យសមាគមសម្រាប់ជំនួយនិងសង្គ្រោះនៃប្រទេសជប៉ុន(AAR Japan) ដើម្បីអនុវត្តគម្រោងលើកកម្ពស់ការអប់រំបរិយាប័ន្នកុមារពិការ តាមរយៈពង្រឹងការអនុវត្តក្នុងតំបន់គំរូ និងការអភិវឌ្ឍប្រព័ន្ធវាយតម្លៃការអប់រំបរិយាប័ន្ន។
តាមរយៈជំនួយឥតសំណងទាំងនេះ លោក មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា ជឿជាក់នឹងជួយកែលម្អគុណភាពជីវិតសម្រាប់ប្រជាជននៅក្នុងតំបន់នីមួយៗនៃគម្រោង។ លោកបន្តថា រដ្ឋាភិបាលជប៉ុនបានអនុវត្តលើកម្មវិធីជំនួយឥតសំណងសម្រាប់អង្គការក្រៅរដ្ឋាភិបាលជប៉ុនចាប់តាំងឆ្នាំ២០០២មក ដើម្បីជួយដល់គម្រោងអភិវឌ្ឍសេដ្ឋកិច្ច និងសង្គមរបស់អង្គការ នៅក្នុងប្រទេសឬតំបន់កំពុងអភិវឌ្ឍ។ ជាក់ស្តែង នៅក្នុងប្រទេសកម្ពុជានេះ។
គិតមកដល់បច្ចុប្បន្នតាមរយៈកម្មវិធីនេះ ជប៉ុនបានផ្តល់ថវិការជាង៤១លានដុល្លារ ដល់១៣០គម្រោង ដែលផ្តោតសំខាន់លើវិស័យអប់រំនៅកម្រិតមូលដ្ឋាន វិស័យសុខាភិបាល វិស័យកសិកម្ម និងសកម្មភាពបោសសម្អាតមី នៅក្នុងប្រទេសកម្ពុជា។ នេះបើតាមលោកមិកាមិ ម៉ាសាហ៊ីរ៉ូ ដោយបន្តមានប្រសាសន៍ដូច្នេះ៖« គម្រោងនីមួយៗ បានចូលរួមចំណែកដោយផ្ទាល់ក្នុងការលើកកម្ពស់គុណភាព ជីវភាណរស់នៅរបស់ប្រជាជនកម្ពុជា»៕
Tag:
អប់រំ
ក្រចេះ
កណ្តាល
© រក្សាសិទ្ធិដោយ thmeythmey.com