ជាតិ
បទសម្ភាសន៍
វីដេអូ
ផ្ទះសំណាក់ស្ទឹងមាស សេវាស្នាក់នៅក្នុងតំបន់អេកូទេសចរណ៍អូរសោម
× ពោធិ៍សាត់៖ ផ្ទះសំណាក់ស្ទឹងមាស ស្ថិតនៅមាត់ស្ទឹងអាតៃ នៃឃុំអូរសោម ដែលជាតំបន់អេកូទេសចរណ៍ដ៏មនោរម្យមួយ។ នៅផ្ទះស្នាក់នេះ មានអាកាសធាតុត្រជាក់ ទីធ្លាទូលាយ គួបផ្សំនឹងកន្លែងស្នាក់នៅមានផាសុកភាព ជាពិសេសនៅទីនេះ ក៏មានបម្រើសេវាកម្មម្ហូបអាហារមានរសជាតិឆ្ងាញ់ និងអនាម័យ។ នៅពេលរាត្រី ភ្ញៀវទេសចរដុតភ្នក់ភ្លើង រាំលេងកម្សាន្ត និងទស្សនារបាំជនជាតិដើមភាគតិចជងបានទៀតផង។
ដើម្បីជ្រាបកាន់តែច្បាស់សូមលោកអ្នកនាង អញ្ជើញទស្សនាបទសម្ភាស រវាងកញ្ញា ជឿន ស្រីណយ នៃសារព័ត៌មានថ្មីៗ២៥ និងលោក ជួប ពីនី មា្ចស់ផ្ទះសំណាក់ស្ទឹងមាសដូចតទៅ៖
ស្ថិតនៅជាប់មាត់ទឹក អាកាសធាតុត្រជាក់ ជាមួយសម្រស់ទឹកស្ទឹង ដែលអមដោយព្រៃឈើនៅម្ខាងស្ទឹង និងមានផ្ទះសំណាក់យ៉ាងប្រណិតមួយ ស្ថិតនៅម្ខាងទៀតនៃផ្ទៃទឹក នោះគឺផ្ទះសំណាក់ស្ទឹងមាស។ លោក ជួប ពីនី ម្ចាស់ផ្ទះសំណាក់ស្ទឹងមាស បានប្រាប់សារព័ត៌មានថ្មីៗ២៥ ថាលោកសង់កន្លែងស្នាក់នេះឡើង ដោយសារតែមើលឃើញពីកំណើនទេសចរមកកាន់តំបន់ដែលពោរពេញដោយសក្តានុពលនៃធម្មជាតិ អូរសោមនេះ។
លោក ជួប ពីនី ថ្លែងដូច្នេះថា៖ «ខ្ញុំបង្កើតផ្ទះសំណាក់នៅទីនេះ ព្រោះមើលឃើញពីសក្តានុពលនៃធម្មជាតិ បើអាកាសធាតុវិញនៅទីនេះ គឺឈ្នះនៅតំបន់ផ្សេងតែម្ដង។ ទីពីរធម្មជាតិនៅទីនេះគឺស្អាត មានព្រៃព្រឹក្សា មានទឹកខ្វាត់ខ្វែង ដូច្នេះភ្ញៀវដែលមិនធ្លាប់មកទីនេះ អាចសាកល្បងមកទីនេះម្ដង»។
មានទីតាំងនៅជាប់មាត់ស្ទឹង ផ្ទះសំណាក់ស្ទឹងមាសមានអាកាសធាតុត្រជាក់ ទីធ្លាទូលាយ គួបផ្សំនឹងកន្លែងស្នាក់នៅមានផាសុកភាព ជាពិសេសនៅទីនេះ ក៏មានបម្រើសេវាកម្មម្ហូបអាហារមានរសជាតិឆ្ងាញ់ និងអនាម័យ។ នៅពេលរាត្រី ភ្ញៀវទេសចរដុតភ្នក់ភ្លើង អាំងពោត ដំឡូង រាំលេងកម្សាន្ត និងទស្សនារបាំជនជាតិដើមភាគតិចជងបានទៀតផង។ លោក ជួប ពីនី បញ្ជាក់ដូច្នេះ៕
Tag:
ស្ទឹងអាតៃ
ជួប ពីនី
អូរសោម
ពោធិ៍សាត់
ទេសចរណ៍
ThmeyThmey25
© រក្សាសិទ្ធិដោយ thmeythmey.com