COVID-19
អន្តរជាតិ
កូវីដ-១៩៖ អ៊ុយក្រែន មានអ្នកឆ្លងជាង១លាននាក់ ខណៈអាមេរិកជាង១៩លាននាក់
×![]()
ដោយ: រួបរួម
អ៊ុយក្រែន បានក្លាយជាប្រទេសទី១៧ ដែលមានករណីឆ្លងកូវីដ-១៩លើស១លាន ខណៈតួលេខនៅសហរដ្ឋអាមេរិក ឡើងដល់ជាង១៩លាននាក់។ គិតត្រឹមថ្ងៃសុក្រនេះ ពិភពលោកទាំងមូលមានអ្នកឆ្លងជាង៧៩.៧២លាននាក់ ក្នុងនោះស្លាប់ជាង១.៧៤លាននាក់ និងសះស្បើយជាង៥៦.១២លាននាក់។
អ៊ុយក្រែន មានអ្នកឆ្លងជាង១លាននាក់ ក្នុងនោះស្លាប់ជាង១៧០០០នាក់។ សហរដ្ឋអាមេរិក មានករណីឆ្លងឡើងដល់ជាង១៩លាន ឥណ្ឌាជាង១០លាន ប្រេស៊ីលជាង៧.៤២លាន រុស្សីជិត៣លាន និងបារាំងជាង២.៥២លាន។
ចក្រភពអង់គ្លេស តួកគី និងអ៊ីតាលី មានជាង២លានករណីរៀងៗខ្លួន ខណៈ អេស្ប៉ាញ អាល្លឺម៉ង់ អាហ្សង់ទីន កូឡុំប៊ី ម៉ិកស៊ិក ប៉ូឡូញ អ៊ីរ៉ង់ ប៉េរូ និងអ៊ុយក្រែន មានចន្លោះពីជាង១លាន ទៅជិត២លានករណី។
អាហ្វ្រិកខាងត្បូងមានជាង៩៦ម៉ឺនករណី ហូឡង់ជាង៧៣ម៉ឺនករណី ខណៈឥណ្ឌូណេស៊ី មានជាង៦៩ម៉ឺនករណី។ ឆេក បែលហ្ស៊ិក រូម៉ានី ស៊ីលី អ៊ីរ៉ាក់ កាណាដា និងបង់ក្លាដែស មានលើសពីកន្លះលានករណីរៀងៗ។
រីឯចំនួនអ្នកស្លាប់វិញ ក្នុងចំណោមជាង១.៧៤លាននាក់ សហរដ្ឋអាមេរិក មានជាង៣៣ម៉ឺននាក់ ប្រេស៊ីលជាង១៩ម៉ឺន ឥណ្ឌាជាង១៤ម៉ឺន និងម៉ិកស៊ិកជាង១២ម៉ឺន។ ២៣ប្រទេសមានករណីស្លាប់ចាប់ពី១ម៉ឺនដល់ជាង៧ម៉ឺន ក្នុងនោះឥណ្ឌូណេស៊ី មានជាង២ម៉ឺននាក់៕
© រក្សាសិទ្ធិដោយ thmeythmey.com
