ជាតិ
×![]()
កសិករក្នុងខេត្តកោះកុង ចាប់ផ្ដើមចាប់អារម្មណ៍ដាំបន្លែ ព្រោះមានតម្លៃខ្ពស់ ហើយមិនសូវមានអ្នកដាំ។ កសិករចាប់ផ្ដើមចូលជាសមាជិក បណ្តុំអាជីវកម្មបន្លែ ដែលធន់និងការប្រែប្រួលអាកាសធាតុ តាមរយៈកម្មវិធី អាស្ប៉ាយ ព្រោះអាចទទួលបានការបណ្ដុះបណ្ដាលបច្ចេកទេសកសិកម្ម និងមិនព្រួយបារម្ភចំពោះទីផ្សារ។ 
បើតាមមន្ទីរកសិកម្ម រុក្ខាប្រមាញ់និងនេសាទ កសិករក្នុងខេត្តកោះកុង ភាគច្រើន បានជ្រើសរើសដាំ បន្លែ ស្ពៃក្រញាញ់ សាលាដត្រកួន តាសក់ ត្រឡាច ផ្ទី ពពាយ ពោតបារាំង និងកូនស្ពៃខ្មៅ ជាដើម។ ក្នុងនោះកសិករ អាចលក់ស្ពៃក្រញាញ់ ក្នុងតម្លៃ ៥០០០រៀល ក្នុងមួយគីឡូក្រាម, សាលាដ ៧ ០០០រៀល ក្នុងមួយគីឡូក្រាម, ត្រកួន ៥ ០០០រៀល ក្នុងមួយគីឡូក្រាម, តាសក់ ៣ ០០០រៀល ក្នុងមួយគីឡូក្រាម, ត្រឡាច ៥ ០០០រៀល ក្នុងមួយគីឡូក្រាម, ផ្ទី ៨ ០០០រៀល ក្នុងមួយគីឡូក្រាម, ពពាយ ៨ ០០០រៀល ក្នុងមួយគីឡូក្រាម និងស្ពៃខ្មៅ ៨ ០០០រៀល ក្នុងមួយគីឡូក្រាម។
បន្លែរបស់កសិករនៅខេត្តកោះកុងក្នុងគម្រោងអាស្ប៉ាយ (រូបភាពពីហ្វេសប៊ុកមន្ទីរកសិកម្មខេត្តកោះកុង)
លោក សុខ សំអាត ជាអនុប្រធានមន្ទីរកសិកម្ម និងជាកសិករម្នាក់ ក្នុងបណ្ដុំអាជីវកម្មដាំដុះបន្លែ ក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង បានប្រាប់សារព័ត៌មានThmeyThmey25 តាមទូរសព្ទថា ក្នុងខេត្តកោះកុង បច្ចុប្បន្នមានអ្នកដាំបន្លែកើនឡើង ព្រោះក្នុងខេត្តមានតម្រូវការច្រើន និងតម្លៃថ្លៃជាងខេត្តនានា។ កសិកររូបនេះ បានដាំបន្លែមានការ វិលជុំ តាមរដូវ ដោយមិនដាំដំណាំដដែលៗ នោះទេ ដោយមានការផ្លាស់ប្ដូរ មុខបន្លែជានិច្ច បន្លែប្រភេទស្ពៃ សាលាដ និងពោតបារាំង ជាដើម។
ដ្បិតបច្ចុប្បន្នខេត្តមួយចំនួន បន្លែមានបញ្ហាទីផ្សារ ក៏ពិតមែន តែសម្រាប់ខេត្តកោះកុង នៅមិនទាន់អាចផ្គត់ផ្គង់ តាមតម្រូវការនោះទេ សម្រាប់បន្លែដែលកសិករ ក្នុងខេត្តកោះកុង ផលិតបានមិនដែលខ្វះទីផ្សារនោះទេ ហើយបន្លែមួយចំនួន បាននាំមកពីរាជធានីភ្នំពេញ និងប្រទេសជិតខាង ដូចប្រទេសថៃ នៅឡើយ។ នេះបើតាមលោក សុខ សំអាត៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
