ជាតិ
អ្នកស្រី អ៊ុង វណ្ណា ដាំម្រុំលើដី១០ហិកតា ដើម្បីផលិតជាឱសថច្នៃពីម្រុំធម្មជាតិ
×![]()
ភ្នំពេញ៖ អ្នកស្រី អ៊ុង វណ្ណា ជាម្ចាស់សហគ្រាស «វ៉តម្រុំខ្មែរធម្មជាតិ» ដែលជាផលិតផលឱសថធម្មជាតិមួយ។ ស្ត្រីវ័យ៦៥ឆ្នាំរូបនេះ បានសម្រេចចិត្តសហគ្រាស «វ៉តម្រុំខ្មែរធម្មជាតិ»ឡើងនៅឆ្នាំ២០១១ ក្រោយអ្នកស្រី បានប្រើប្រាស់រុក្ខជាតិម្រុំនេះ ព្យាបាលជំងឺកូនប្រុសរបស់ខ្លួនដែលឈឺពីតាំងពីកំណើតឲ្យសះស្បើយ។ ដើម្បីឲ្យអតិថិជនរឹតតែជឿជាក់លើគុណភាពឱសថម្រុំរបស់ខ្លួន អ្នកស្រី ក៏សម្រេចម្រុំសរីរាង្គដោយខ្លួនឯងលើផ្លៃដី ១០ហិកតា នៅក្នុងភូមិខ្នងក្រាម ឃុំតាំងសំរោង ស្រុកភ្នំស្រួច ខេត្តកំពង់ស្ពឺ ផងដែរ។ 
ដើម្បីជ្រាបកាន់តែច្បាស់ សូមលោកអ្នកនាង អញ្ជើញទស្សនា បទសម្ភាសន៍រវាង កញ្ញា ខន ណារី អ្នកសារព័ត៌មានThmeyThmey25 និងលោកស្រី អ៊ុង វណ្ណា ម្ចាស់សហគ្រាស«វ៉តម្រុំខ្មែរធម្មជាតិ»ដូចតទៅ៖
ដើម្បីធានាពីគុណភាពឱសថ ផ្សំពីរុក្ខជាតិម្រុំ អ្នកស្រី អ៊ុង វណ្ណា សម្រេចដាំរុក្ខជាតិម្រុំ ដោយខ្លួនឯង លើផ្ទៃដី ១០ហិកតា ស្ថិតក្នុងភូមិខ្នងក្រាម ឃុំតាំងសំរោង ស្រុកភ្នំស្រួច ខេត្តកំពង់ស្ពឺ។ ដោយការដាំម្រុំបែបសរីរាង្គ ហើយកន្លងមក ក៏មានការខូចខាតខ្លះៗ ដោយសារទឹកជំនន់ ដូច្នេះផ្ទៃដីដាំដុះក៏មានការថយចុះ ប៉ុន្តែនៅតែអាចផ្គត់ផ្គង់ សម្រាប់ផលិតឱសថ បានគ្រប់គ្រាន់។ អ្នកស្រីលើកឡើងថា៖«ការដាំម្រុំខ្លួនឯង ពិតជាពិបាក និងត្រូវចំណាយច្រើន លើកម្លាំងពលកម្ម ប៉ុន្តែដើម្បីសុវត្ថិភាព និងអាចផលិតឱសថ ដែលមានគុណភាព ព្រោះបើយើងទិញម្រុំ ពីគេ យើងមិនដឹងនោះទេ ថាគេដាំដោយរបៀបណា»។
ជាធម្មតា សហគ្រាស «វ៉តម្រុំខ្មែរធម្មជាតិ» បានប្រមូលរុក្ខជាតិម្រុំពីចម្ការភ្លាម ដើម្បីយកធ្វើជាឱសថ។ ដោយក្នុងមួយសប្ដាហ៍ ប្រមូលរុក្ខជាតិម្រុំ ៣ដង ក្នុងម្ដងប្រមូលរុក្ខាជាតិម្រុំ ពី ៤០០គីឡូក្រាម ទៅ ៥០០គីឡូក្រាម។ ដើម្បីក្លាយជាផលិតផល«វ៉តម្រុំខ្មែរធម្មជាតិ» ត្រូវការរយៈពេល ៤៨ម៉ោង ដើម្បីលាងសម្អាត និងសម្ងួតស្លឹកម្រុំឲ្យស្ងួត និងត្រូវប្រើពេលប្រមាណ ៨ម៉ោងបន្លែម ដើម្បីក្លាយជាគ្រាប់ឱសថម្រុំខ្មែរ ដែលអាចព្យាបាល ជំងឺប្រមាណ ៤០មុខ។ ក្រៅពីឱសថផ្សំពីរុក្ខជាតិម្រុំ សហគ្រាស «វ៉តម្រុំខ្មែរធម្មជាតិ» ក៏មានឱសថ ដែលផ្សំពីរមៀត និងល្ងខ្មៅ ផងដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
