តំបន់​ទេសចរណ៍ធម្មជាតិ​ដ៏​ត្រកាល ៣​កន្លែង ដែល​កំពុង​រីកមុខ​មាត់​ក្នុង​ខេត្តបាត់ដំបង​
ជាតិ
តំបន់​ទេសចរណ៍ធម្មជាតិ​ដ៏​ត្រកាល ៣​កន្លែង ដែល​កំពុង​រីកមុខ​មាត់​ក្នុង​ខេត្តបាត់ដំបង​
03, Jan 2021 , 5:59 pm        
រូបភាព
​ដោយ​៖ ហុង ស្រី​ណា​

​ខេត្តបាត់ដំបង ជា​ខេត្ត​ដ៏​មាន​សក្តានុពល​ទេសចរណ៍​មួយ ដែល​មិន​តែ​ប្រជុំ​ទៅដោយ​រមណីយដ្ឋាន​ទេសចរណ៍​ប្រវត្តិសាស្ត្រ និង​វប្បធម៌​ប៉ុណ្ណោះ​ទេ ប៉ុន្តែ​ខេត្ត​នេះ ក៏​សម្បូរ​រមណីយដ្ឋាន​ទេសចរណ៍ធម្មជាតិ​ជាច្រើន​កន្លែង​ផងដែរ​។ ថ្ងៃនេះ សារព័ត៌មាន Thmeythmey25 សូម​បង្ហាញជូន​លោកអ្នក​នាង អំពី​រមណីយដ្ឋាន​ធម្មជាតិ​ដ៏​ស្រស់ត្រកាល ៣​កន្លែង ដែលមាន​ការពេញនិយម​ពី​ទេសចរ​ក្នុង​ខេត្ត​។ រមណីយដ្ឋាន​ទាំងនោះ មាន​សួន​កម្សាន្ត ធម្មជាតិ​ភ្នំព្រឹក​, ទឹកធ្លាក់​ភ្នំ​កំពូល និង​ចំការ​ទុរេន អូរ​តង​។​




ចំការទុរេន អូរតង 

ចំការទុរេន អូរតង 

ចំការទុរេន អូរតង 

​សួន​កម្សាន្ត​ធម្មជាតិ​ភ្នំព្រឹក មាន​ទីតាំង​តាម​បណ្តោយ​ផ្លូវជាតិ​លេខ​៥៩ ស្ថិតក្នុង​ឃុំ​ភ្នំព្រឹក ស្រុក​ភ្នំព្រឹក ខេត្តបាត់ដំបង ចម្ងាយ​៥០​ម៉ែត្រ ពី​គីឡូម៉ែត្រ​លេខ​៧៧​។ វាលស្មៅ​បៃតង អមដោយ​ទេសភាព​ដ៏​ត្រកាល​ជាប់ជើង​ភ្នំ គឺជា​ចំណុច​ដ៏​គួរ​ឲ្យ​ទាក់ទាញ​នៃ​សួន​កម្សាន្ត​មួយ​នេះ​។  ក្រៅពី​ស្ថានភាព​ធម្មជាតិ​អំណោយផល​ហើយ​នោះ ម្ចាស់​សួន ក៏​អាច​មើលរំលង​ការកែច្នៃ​បន្ថែម​សម្រស់​មួយកម្រិត ឲ្យ​ទីតាំង​របស់ខ្លួន​ដែរ​។ 


សួនកំសាន្ត ធម្មជាតិភ្នំព្រឹក

សួនកំសាន្ត ធម្មជាតិភ្នំព្រឹក

សួនកំសាន្ត ធម្មជាតិភ្នំព្រឹក

សួនកំសាន្ត ធម្មជាតិភ្នំព្រឹក 

​ផ្កា​ចម្រុះ​ពណ៌​ត្រូវបាន​ដាំ​ត្រង់នេះ​ម្តុំ ត្រង់នោះ​ម្តុំ​ដើម្បី​លម្អ​បរិវេណ​សួន​ទាំងមូល​។ កូនឈើ​ហូប​ផ្លែ និង​ឈើ​ប្រភេទ​ដើម​តូចៗ ក៏ត្រូវ​បាន​ដាំ​ដុះ​បន្ថែម​ស្ទើរ​ពេញទី​ធ្លា​សួន ហើយ​វា​បាន​បង្កើន​ភាព​បៃតង​ដល់​រមណីយដ្ឋាន​ជាប់ជើង​ភ្នំ​មួយ​នេះដែរ​។ កូនឈើ និង​ផ្កា​មួយចំនួន ក៏ត្រូវ​កាត់ ពត់ ជា​រូប​សត្វព្រៃ សត្វស្រុក ច្រើន​ប្រភេទ និង​រូបភាព​ផ្សេង​ផងដែរ ថែម​ទាង​មាន​ទោង​ឈើ ទោង​ដែក និង​កញ្ចុះ ដើម្បី​ឲ្យ​អ្នកទេសចរ​អង្គុយ​ទេស និង​ទទួលទាន​អាហារ​ផងដែរ​។ 
 
​បន្ទាប់ពី​រមណីយដ្ឋាន​ជាប់ជើង​ភ្នំ​នេះ សារព័ត៌មាន​Thmeythmey25​សូម​ណែនាំ​រមណីយដ្ឋាន​ទឹកធ្លាក់​ភ្នំ​កំពូល​វិញ​ម្តង ដែល​រមណីយដ្ឋាន​នេះ​ស្ថិតក្នុង​ភូមិ​អូរ​ល្មូ​ន ឃុំ​ផ្លូវ​មាស ស្រុក​រតនៈមណ្ឌល ខេត្តបាត់ដំបង ចម្ងាយ​ជាង​៦០​គីឡូម៉ែត្រ ពី​ក្រុង​បាត់ដំបង​។  រមណីយដ្ឋាន​នេះ មាន​ទេសភាព​ធម្មជាតិ​យ៉ាង​ស្រស់ស្អាត រុក្ខជាតិ​ដុះ​អម​តាម​មាត់​ស្ទឹង រួមទាំង​មានកូន​កោះ​នៅ​ចំ​កណ្តាល មាន​ទឹកថ្លា​ឆ្លុះ​ដល់​បាត​។ ចំណែក​ស្ទឹង​ក្រាល​ដោយ​ដុំថ្ម​ធម្មជាតិ និង​ហ្វូង​មច្ឆា​ចម្រុះ​ជាច្រើន​។ លើសពីនេះ ក៏មាន​វាលស្រែ​ធម្មជាតិ ដែលមាន​ការរៀបចំ​យ៉ាង​ស្អាត សម្រាប់​ភ្ញៀវទេសចរ​ថតរូប​កម្សាន្ត ៗ​។​
 
​នៅក្នុង​អូរ​ល្មូ​ន ឃុំ​ផ្លូវ​មាស ស្រុក​រតនៈមណ្ឌល​ដដែល​នេះ ក៏​រមណីយដ្ឋាន​ដែល​ទទួលបាន​ចំណាប់​ពី​ទេសចរ​ក្នុង​ខេត្ត​នេះដែរ នោះ​គឺ​រមណីយដ្ឋាន​ចំការ​ទុរេន អូរ​តង​។ នៅទីនេះ មាន​កន្លែង​លេង​ទឹកថ្លា​ឈ្វ​ង់ អមដោយ​ផ្ទាំង​ថ្ម​ក្រា​លបាត​ស្ទឹង មាន​កន្លែង​អង្គុយ​លម្ហែ​អម​ដងស្ទឹង និង​កន្លែង​ថតរូប​ស្អាតៗ​។ បន្ថែម​ពីនេះ មាន​ចំការ​ផ្លែឈើ​ចម្រុះ​ច្រើន​ប្រភេទ​ដូចជា ទុរេន សាវម៉ាវ មៀន​ប៉ៃលិន និង​ចម្ការកៅស៊ូ​ជាដើម ៕
 


ទឹកធ្លាក់ភ្នំកំពូល

ទឹកធ្លាក់ភ្នំកំពូល

ទឹកធ្លាក់ភ្នំកំពូល​

Tag:
 បាត់ដំបង​
  សួន​កម្សាន្ត​ធម្មជាតិ​ភ្នំព្រឹក​
  ទឹកធ្លាក់​ភ្នំ​កំពូល​
  ចំការ​ទុរេន​អូរ​តង​
© រក្សាសិទ្ធិដោយ thmeythmey.com