COVID-19
អន្តរជាតិ
វ៉ាក់សាំង Oxford-AstraZeneca។រូបភាព៖AFP
×![]()
នៅថ្ងៃទី៤ មករា រដ្ឋាភិបាលវៀតណាមសម្រេចទិញវ៉ាក់សាំងបង្ការជំងឺកូវីដ-១៩របស់ក្រុមហ៊ុនអង់គ្លេស AztraZeneca ចំនួន៣០លានដូស។ រដ្ឋាភិបាលវៀតណាម អះអាងថា ក៏កំពុងស្វែងរកទិញវ៉ាក់សាំងបន្ថែមពីប្រភពផ្សេងៗទៀត ដូចជាវ៉ាក់សាំងពីក្រុមហ៊ុន Pfizer ជាដើម។
មុនពេលទិញវ៉ាក់សាំងក្រុមហ៊ុន AztraZeneca រដ្ឋាភិបាលវៀតណាម បានសម្រេចទិញវ៉ាក់សាំងពីរុស្ស៊ី។ ប៉ុន្តែរដ្ឋាភិបាលវៀតណាមអះអាងថាខ្លួន មិនប្រញាប់ប្រញាល់ក្នុងការទិញវ៉ាក់សាំងរុស្ស៊ីឡើយ ដោយសារវ៉ាក់សាំងនេះនៅមានតម្លៃថ្លៃ និងដោយសារតែអាជ្ញាធររវល់ក្នុងការទប់ទល់ការផ្ទុះករណីឆ្លងក្នុងស្រុកដែលពេលនេះមានរករណីឆ្លងចំនួនដែលពេលនេះមានចំនួន១,៤៩៤ករណី និងស្លាប់ចំនួន៣៥នាក់។
រដ្ឋាភិបាលវៀតណាមអះអាងថា ជម្រើសក្នុងការទិញវ៉ាក់សាំង AztraZeneca គឺដោយសារតែវ៉ាក់សាំងនេះថោកជាវ៉ាក់សាំងដទៃទៀត អាចទុកក្នុងទូរទឹកកកធម្មតា និងងាយស្រួលក្នុងការដឹកជញ្ជូន ដែលសមស្របពិសេសសម្រាប់វៀតណាមដែលជាប្រទេសកំពុងអភិវឌ្ឍ។
«យើងបានចុះកិច្ចព្រមព្រៀងជាមួយក្រុមហ៊ុន AztraZeneca ក្នុងការទិញវ៉ាក់សាំងសម្រាប់មនុស្ស១៥លាននាក់ ដែលស្មើរទៅនឹង៣០លានដូស»។ នេះជាការលើកឡើងរបស់លោក Truong Quoc Cuong អនុរដ្ឋមន្ត្រីសុខាភិបាលថ្លែងក្នុងកិច្ចប្រជុំរដ្ឋាភិបាលនៅថ្ងៃទី៤ ខែមករា។
លោកអនុរដ្ឋមន្ត្រីសុខាភិបាល និយាយថា វៀតណាម ក៏ចង់ទិញវ៉ាក់សាំងរបស់ក្រុមហ៊ុន Pfizer វ៉ាក់សាំងរុស្ស៊ី SputnikV និងវ៉ាក់សាំងរបស់ចិនផងដែរ។ បន្ថែមពីនេះ វៀតណាមក៏អាចទិញវ៉ាក់សាំងតាមរយៈយន្តការ COVAX របស់អង្គការសុខភាពពិភពលោក(WHO) ផងដែរ។ ក្រោមយន្តការនេះ វៀតណាមអាចទិញវ៉ាក់សាំងសម្រាប់ប្រជាជនចំនួន១៥,៦លាននាក់ ដែលស្មើរទៅនឹង១៦ភាគរយ នៃប្រជាជនសរុប៩៨លាននាក់។ នេះបើតាមទីភ្នាក់ងារព័ត៌មានReuters។
គិតមកដល់ពេលនេះ វៀតណាមមិនទាន់ផ្តល់អាជ្ញាប័ណ្ណជាផ្លូវការដល់វ៉ាក់សាំងបរទេសណាមួយឡើយ។ ក្រៅតែពីទិញវ៉ាក់សាំងពីបរទេស វៀតណាមក៏អភិវឌ្ឍវ៉ាក់សាំងក្នុងស្រុក ចំនួន២ផងដែរ ដែលទី១មានឈ្មោះ Nano Covax។ វ៉ាក់សាំងNano Covax នេះត្រូវបានធ្វើតេស្តលើមនុស្សរួចហើយនាចុងខែធ្នូ ឆ្នាំ២០២០ ចំណែកវ៉ាក់សាំងទី២ ត្រូវបានរំពឹងថា នឹងធ្វើតេស្តលើមនុស្សនៅចុងខែមករា។
កាលពីខែសីហាកន្លងទៅ វៀតណាមអះអាងថាខ្លួនបានចុះកិច្ចព្រមព្រៀងទិញវ៉ាក់សាំងចំនួន៥០ ទៅ១៥០លានដូសពីរុស្ស៊ី ប៉ុន្តែពុំទាន់មានព័ត៌មានច្បាស់លាស់ស្តីពីការដឹកជញ្ជូនវ៉ាក់សាំងនេះឡើយ៕
Tag:
វៀតណាម
កូវីដ-១៩
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
