COVID-19
អន្តរជាតិ
×![]()
ដោយ: រួបរួម
ករណីឆ្លងកូវីដ-១៩ លើពិភពលោក ឡើងជាង៨៦លាននាក់ហើយ បើគិតត្រឹមព្រឹកថ្ងៃអង្គារ ទី៥ ខែមករា នេះ ដែលក្នុងនោះស្លាប់១.៨៦លាននាក់ និងសះស្បើយជាង៦១លាននាក់។ បើប្រៀបធៀបកាលពីម្សិលមិញ ករណីឆ្លងថ្មី មានដល់ជាង៥៣ម៉ឺននាក់ និងស្លាប់ជិត៩០០០នាក់។
សហរដ្ឋអាមេរិក មានករណីឆ្លងឡើងដល់ជាង២១.៣៥លាន បន្ទាប់មកឥណ្ឌា មានជាង១០.៣៥លាន ប្រេស៊ីលជាង៧.៧៥លាន និងរុស្ស៊ី ជាង៣.២៦លាន។ ចក្រភពអង់គ្លេស បារាំង តួកគី និងអ៊ីតាលី ស្ថិតក្នុងខ្ទង់ជាង២លាន។
អេស្ប៉ាញ មានអ្នកឆ្លងជិត២លាន ដោយនាំមុខអាល្លឺម៉ង់ កូឡុំប៊ី អាហ្សង់ទីន ម៉ិកស៊ិក ប៉ូឡូញ អ៊ីរ៉ង់ អាហ្វ្រិកខាងត្បូង អ៊ុយក្រែន និងប៉េរូ ដែលមានជាង១លានករណីរៀងៗខ្លួន។
ហូឡង់ មានជាង៨២ម៉ឺនករណី ឥណ្ឌូណេស៊ី ដែលរងគ្រោះខ្លាំងជាងគេនៅអាស៊ីអាគ្នេយ៍ មានជាង៧៧ម៉ឺនករណី។ ប្រទេសផ្សេងទៀតដែលមានអ្នកឆ្លងលើសពី៥០ម៉ឺននាក់ រួមមាន សាធារណរដ្ឋឆេក បែលហ្ស៊ិក រូម៉ានី ស៊ីលី កាណាដា អ៊ីរ៉ាក់ និងបង់ក្លាដែស។
ក្នុងចំណោមអ្នកស្លាប់១.៨៦លាននាក់ មាន៣៦លាននាក់នៅសហរដ្ឋអាមេរិក ជិត២០ម៉ឺននាក់នៅប្រេស៊ីល ជិត១៥ម៉ឺននាក់នៅឥណ្ឌា និងជិត១៣ម៉ឺននាក់នៅម៉ិកស៊ិក។ ២៤ប្រទេសទៀតមានអ្នកស្លាប់ចាប់ពីជាង១ម៉ឺននាក់រៀងៗខ្លួន ដែលក្នុងនោះឥណ្ឌូណេស៊ី មានជិត២៣០០០នាក់៕
© រក្សាសិទ្ធិដោយ thmeythmey.com
