ជាតិ
×![]()
ដោយ: នាយយ៉ាន
ពោធិ៍សាត់៖ មន្ទីរវប្បធម៌ និងវិចិត្រសិល្បៈខេត្តពោធិ៍សាត់ កំពុងតែរៀបចំសារមន្ទីរប្រចាំខេត្ត នៅលើទីតាំងអតីតសាលារចនាខេត្ត។ លោក មីលីយ៉ា សុវត្តីធី អនុប្រធានមន្ទីរវប្បធម៌ខេត្តពោធិ៍សាត់ បានប្រាប់សារព័ត៌មានថ្មីៗថា ការរៀបចំឲ្យមានជាសារមន្ទីរខេត្តនេះ គឺដើម្បីរក្សាទុក និងដាក់តាំងបង្ហាញវត្ថុបុរាណ និងរបស់របរប្រើប្រាស់ពីបុរាណ ឲ្យគង់វង្សសម្រាប់អ្នកជំនាន់ក្រោយ បានស្វែងយល់ និងសិក្សាស្រាវជ្រាវ។
ទាក់ទងនឹងការរៀបចំសារមន្ទីរនេះដែរ លោក ឡាច ផេងលី ប្រធានមន្ទីរវប្បធម៌ និងវិចិត្រសិល្បៈខេត្តពោធិ៍សាត់ បានប្រាប់សារព័ត៌មានថ្មីៗថា ទន្ទឹមនឹងការរៀបចំសារមន្ទីរនេះ មន្ត្រីជំនាញ ក៏កំពុងត្រៀមរៀបចំការតាំងពិព័រណ៍ «ព្រះពុទ្ធសាសនាសម័យកណ្តាល»ផងដែរ ដែលគ្រោងនឹងរៀបចំនៅក្នុងឆ្នាំ២០២១នេះ។ បន្ទាប់មកសារមន្ទីរនេះ នឹងបើកឲ្យសាធារជនចូលទស្សនាវត្ថុបុរាណ វត្ថុសិល្បៈ និងស្នាដៃស្ថាបត្យកម្មនានាដែលសារមន្ទីរប្រមូលបានពីតំបន់នានានៅក្នុងខេត្ត។
ក្រៅពីសម្ភាសមន្ត្រីទទួលខុសត្រូវក្នុងការរៀបចំសារមន្ទីរហើយ សារព័ត៌មានថ្មីៗ ក៏បានសាកសួរអ្នកស្រី មាស សារឹម ដែលជាបុរាណវិទូមួយរូប ដែលបម្រើការងារនៅសារមន្ទីរខេត្តពោធិ៍សាត់នេះ អំពីជំនាញបុរាណវិទ្យាផងដែរ។
ដើម្បីជ្រាបច្បាស់ សូមអញ្ជើញទស្សនាកិច្ចសម្ភាសរបស់នាយ យ៉ាន នៃសារព័ត៌មានថ្មីៗ ជាមួយមន្ត្រីទទួលខុសត្រូវរៀបចំសារមន្ទីរ និងមន្ត្រីពាក់ព័ន្ធ ដូចតទៅ៖
Tag:
សារមន្ទីរ
ពោធិ៍សាត់
© រក្សាសិទ្ធិដោយ thmeythmey.com
