ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
២៥ខេត្ត/រាជធានី
ក្រៅពីរៀនអក្សរ សិស្សសាលាស្វាយជ្រំ ក៏ចេះកសិកម្ម និងរួមចំណែកការពារបរិស្ថានផងដែរ
09, Jan 2021 ,
8:30 pm
រូបភាព
រូបភាពផ្ដល់ដោយលោក ចាន់ សំអន នាយកសាលាស្វាយជ្រំ
×
ដោយ:
ផាត ដាណេ
ស្ថិតក្នុងភូមិស្វាយក្ងោ ឃុំស្វាយជ្រំ ស្រុកស្វាយជ្រំ ខេត្តស្វាយរៀង សាលាបឋមសិក្សាស្វាយជ្រំ បានបណ្ដុះគំនិតក្មេងឲ្យចេះស្រឡាញ់បរិស្ថាន និងដាំបន្លែជាច្រើនប្រភេទ ក្នុងទីធ្លាសាលារៀន។ ក្រៅពីនោះ សាលាក៏មានសកម្មភាពមួយចំនួនផ្សេងទៀតដូចជា ការចិញ្ចឹមត្រី ការធ្វើជីកំប៉ុស្តសម្រាប់ស្រោចដំណាំ និងប្រមូលសំរាមក្នុងបរិវេណសាលាជាដើម។
រយៈពេលជិត៨ឆ្នាំហើយ ដែលសិស្សសាលាបឋមស្វាយជ្រំ បាននាំគ្នាដាំបន្លែ ចិញ្ចឹមត្រី នៅក្នុងសាលាខ្លួន។ សកម្មភាពទាំងនេះ គឺជាការងាររួមដែលសាលាតម្រូវឲ្យសិស្សចាប់ពីថ្នាក់ទី៤ ដល់ទី៦ ត្រូវអនុវត្តនៅរៀងរាល់ថ្ងៃព្រហស្បតិ៍ ហើយចាត់ទុកជាមេរៀនបំណិនជីវិត។ នេះបើតាមលោក លោក ចាន់ សំអន នាយកសាលាបឋមសិក្សាស្វាយជ្រំ ដែលបានថ្លែងប្រាប់សារព័ត៌មានThmeythmey25 តាមទូរសព្ទ។
លោកនាយកសាលាបឋមសិក្សាស្វាយជ្រំ ឲ្យដឹងទៀតថា បន្លែដែលដាំដោយសិស្សានុសិស្សនោះ មានដូចជាពោតបារាំង ត្រកួន និងស្ពៃជាដើម លើផ្ទៃដី១០ម៉ែត្រ គុណនឹង ៤០ម៉ែត្រ ហើយក៏មានស្រះចិញ្ចឹមត្រីចំនួន៣ផងដែរ។
បើតាមលោក ចាន់ សំអន គោលបំណងដែលសាលាឲ្យសិស្សធ្វើការងារកសិកម្មនេះ គឺដើម្បីឲ្យក្មេងៗអាចស្វែងយល់ពីសកម្មភាពនៃការរស់នៅប្រចាំថ្ងៃ ចេះដាំដំណាំ និងចូលរួមថែរក្សាបរិស្ថានផងដែរ។ សិស្សានុសិស្ស និងលោកគ្រូ អ្នកគ្រូ អាចបេះបន្លែ និងចាប់ត្រីដែលដាំនៅក្នុងសាលាទៅបរិភោគបាន ដោយមិនចាំបាច់បង់ថ្លៃនោះទេ។ បន្លែ និងត្រីមួយផ្នែក ត្រូវប្រមូលផលយកទៅលក់នៅផ្សារ ដើម្បីយកលុយមកទិញគ្រាប់ពូជដាំបន្ថែមទៀត។ នេះបើតាមលោកនាយកសាលាស្វាយជ្រំ។
នាយកសាលាវ័យ៤២ឆ្នាំរូបនេះ ឆ្លើយប្រាប់ ThmeyThmey25 ពីបញ្ហាប្រឈមរបស់ខ្លួនដូច្នេះថា៖«នៅពេលចាប់ផ្ដើមឲ្យសិស្សធ្វើការងារកសិកម្មនេះដំបូង មានការមិនពេញចិត្តច្រើន ពីអាណាព្យាបាលសិស្សក្នុងសហគមន៍។ ពួកគាត់ចង់ឲ្យកូនរបស់គាត់មករៀនអក្សរប៉ុណ្ណោះ មិនមែនរៀនកសិកម្មអីទេ។ មួយវិញទៀត លោកគ្រូ អ្នកគ្រូ ក៏មិនពេញដែរក្នុងការធ្វើកសិកម្មបែបនេះ ព្រោះពួកគាត់មានតួនាទីបង្រៀនប៉ុណ្ណោះ»។
លោកបន្តថា ទោះជាយ៉ាងនោះក្តី លោក បានព្យាយាមសម្របសម្រួល និងពន្យល់ពួកគាត់ឲ្យយល់ពីការងារទាំងនោះ ថាវាក៏ជាចំណេះដឹងមួយផ្នែកដល់ក្មេងៗផងដែរ ហើយសាលាក៏មិនមែនឲ្យពួកធ្វើរាល់ថ្ងៃនោះទេ។ រហូតមកដល់ពេលបច្ចុប្បន្ន អាណាព្យាបាល លោកគ្រូ អ្នកគ្រូ បានយល់ពីការងារនេះ ព្រោះវាក៏ជាផ្នែកមួយ សម្រាប់បង្រៀនក្មេងៗផងដែរ។
គ្រាប់ពូជដំណាំ និងសម្ភារៈប្រើប្រាស់ផ្សេងៗ គឺត្រូវចំណាយថវិការបស់សាលា ដែលទទួលបានពីក្រសួងអប់រំ ជារៀងរាល់ឆ្នាំ ព្រោះសកម្មភាពទាំងនេះ ក៏ស្ថិតក្នុងគម្រោងរបស់ក្រសួងអប់រំផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
បរិស្ថាន
ស្វាយរៀង
កុមារ
កសិកម្ម
© រក្សាសិទ្ធិដោយ thmeythmey.com
អត្ថបទពេញនិយម
ករណីក្រុមហ៊ុន CIC៖ និយ័តករមូលបត្រកម្ពុជា ប្រកាសការពារប្រយោជន៍វិនិយោគិនស្របច្បាប់
2 ថ្ងៃ
ស្រឡាញ់របស់ចាស់ៗ! អ្នកស្រី អាគីម ច្នៃរថយន្ត Jeep ដឹកភ្ញៀវមើលប្រាសាទ និងធម្មជាតិនៅអង្គរ
5 ថ្ងៃ
«បេតិកភណ្ឌវប្បធម៌រូបី» ខុសពី «បេតិកភណ្ឌវប្បធម៌អរូបី»ដូចម្តេច?
4 ថ្ងៃ
«ចេរភាព និងនិរន្តភាព» មានន័យខុសគ្នាបែបណា?
5 ថ្ងៃ
ប្រធានសហគមន៍ទេសចរណ៍កំពង់ភ្លុក ស្នើអាជ្ញាធរស្ដារព្រែកឱ្យបានជ្រៅ ដើម្បីទាក់ទាញភ្ញៀវថែមទ ...
5 ថ្ងៃ
អត្ថបទពេញនិយមបន្ថែម