នៅថ្ងៃទី១៥ ខែមករា ប្រមុខរដ្ឋាភិបាលកម្ពុជា សម្ដេច ហ៊ុន សែន បានប្រកាសពីការផ្ដល់ជំនួយរបស់ចិនជាវ៉ាក់សាំងជំងឺកូវីដ-១៩ ចំនួន១លានដូស។ នៅថ្ងៃទី១៧ ខែមករា សម្ដេចក៏ប្រកាសថា វ៉ាក់សាំងទីមួយ នឹងចាក់លើសម្ដេចផ្ទាល់តែម្ដង។

 

«ថ្ងៃនេះដើម្បីបង្កើតនូវជំនឿទុកចិត្តលើវ៉ាក់សាំង និងជំរុញចលនាប្រយុទ្ធប្រឆាំងកូវីដ-១៩ ខ្ញុំព្រះករុណាខ្ញុំសូមប្រកាសថាវ៉ាក់សាំងដែលនឹងចាក់លើកទីមួយនិងមុនគេគឺរូបខ្ញុំព្រះករុណាខ្ញុំនេះតែម្តង។» សម្ដេច ហ៊ុន សែន សរសេរបែបនេះលើទំព័រហ្វេសប៊ុកផ្ទាល់នៅថ្ងៃទី១៧ ខែមករា។ 

 

សម្ដេចរៀបរាប់ទៀតថា សម្ដេចត្រូវតែស្ថិតនៅខ្សែត្រៀមជួរមុខដែលជាទម្លាប់ធម្មតារាប់សិបឆ្នាំមកហើយ។ 

 

យ៉ាងណាមិញ មេដឹកនាំកម្ពុជា មិនទាន់បញ្ជាក់ពីកាលបរិច្ឆេទចាក់វ៉ាក់សាំងឡើយ៕