COVID-19
អន្តរជាតិ
អ្នកកើតកូវីដ-១៩ លើពិភពលោកឡើងដល់ជាង៩៦លាននាក់
× អ្នកកើតកូវីដ-១៩ គិតត្រឹមថ្ងៃទី១៩ ខែមករា នេះ ឡើងដល់ជាង៩៦លាននាក់ហើយនៅទូទាំងពិភពលោក ដែលក្នុងនោះមានជាង២.០៤លាននាក់ និងសះស្បើយជាង៦៨.៦២លាននាក់។ សហរដ្ឋអាមេរិក ឥណ្ឌា និងប្រេស៊ីល នៅតែបន្តករណីឆ្លង និងស្លាប់ជាងគេ។
សហរដ្ឋអាមេរិក មានអ្នកឆ្លងឡើងដល់ជាង២៤.៦២លាននាក់ បន្ទាប់មកឥណ្ឌាជាង១០.៥៨លាននាក់ ប្រេស៊ីលជាង៨.៥១លាននាក់ ខណៈរុស្ស៊ី និងចក្រភពអង់គ្លេស មានក្នុងរង្វង់៣.៥លាននាក់រៀងៗខ្លួន ខណៈបារាំងឡើងជិត៣លាននាក់។
ប្រទេសដែលមានករណីឆ្លងជាង២លានរួមមាន តួកគី អ៊ីតាលី អេស្ប៉ាញ និងអាល្លឺម៉ង់ រីឯប្រទេសដែលមានពីជាង១លានទៅជិត២លានករណី មានកូឡុំប៊ី អាហ្សង់ទីន ម៉ិកស៊ិក ប៉ូឡូញ អាហ្វ្រិកខាងត្បូង អ៊ីរ៉ង់ អ៊ុយក្រែន និងប៉េរូ។
ហូឡង់ និងឥណ្ឌូណេស៊ី សុទ្ធតែមានជាង៩១ម៉ឺននាក់ ខណៈសាធារណរដ្ឋឆេក មានជិត៩០ម៉ឺន។ ចំណែកប្រទេសផ្សេងទៀតដែលមានអ្នកឆ្លងជាងកន្លះលានករណី មានដូចជាកាណាដា រូម៉ានី បែលហ្ស៊ិក ស៊ីលី អ៊ីរ៉ាក់ អ៊ីស្រាអែល ព័រទុយហ្គាល់ បង់ក្លាដែស ស៊ុយអែត ប៉ាគីស្ថាន និងហ្វីលីពីន។
ក្នុងចំណោមអ្នកស្លាប់ជាង២.០៤លាននាក់ សហរដ្ឋអាមេរិកមានជាង៤០ម៉ឺននាក់ ប្រេស៊ីលជាង២១ម៉ឺននាក់ ឥណ្ឌាជាង១៥ម៉ឺននាក់ និងម៉ិកស៊ិកជាង១៤ម៉ឺននាក់។ ២៦ប្រទេសមានចន្លោះពីជាង១ម៉ឺនទៅជិត៩ម៉ឺនករណី៕
© រក្សាសិទ្ធិដោយ thmeythmey.com