ពីនេះ ពីនោះ
ពលរដ្ឋតែងហៅ«បណ្តាការ»ដែលខុសពីពាក្យក្នុងវចនានុក្រមខ្មែរថា«បណ្ណាការ»
× ក្នុងវចនានុក្រមខ្មែរសម្តេចព្រះសង្ឃរាជ ជួន ណាត មានពាក្យ«បណ្តា»ហើយក៏មានពាក្យ«បណ្ណា»ដែរ។ ប៉ុន្តែពាក្យទាំងពីរនេះគឺប្រើក្នុងន័យខុសគ្នាស្រឡះ។
«បណ្តា»មានន័យថា ជំនុំ, អស់ទាំង, អម្បាលម៉ាន។ «បណ្តា»ជាពាក្យសម្រាប់និយាយដករំលែកចំនួននីមួយ អំពីចំនួនច្រើន ឲ្យដាច់ដោយឡែកផ្សេង។ បណ្ដាមនុស្សទាំង៣០ នាក់នោះ, មានតែមនុស្ស ៥ នាក់ចេះសរសេរកើត។ បណ្ដាជន, បណ្ដារាស្ត្រ, បណ្ដាកម្មករទាំងឡាយ។
ចំណែក«បណ្ណា»ជាពាក្យប្រើផ្សំជាមួយនឹងពាក្យ«ការ»បានជាពាក្យពេញថា «បណ្ណាការ»ដែលមានន័យថា ជំនូន ភ័ស្តុភារ, តង្វាយ។ ភាគច្រើនពលរដ្ឋខ្លះមិនបានហៅឲ្យចំពាក្យ«បណ្ណាការ»ទេ គឺបែរជាហៅថា «បណ្តាការ»ទៅវិញ ដោយពាក្យនេះមិនត្រឹមត្រូវនោះទេ។ «បណ្ណា»ក៏ជាពាក្យប្រើផ្សំជាមួយនឹងពាក្យដទៃទៀតផងដែរ៕
© រក្សាសិទ្ធិដោយ thmeythmey.com