ក្រោយខកខានមួយឆ្នាំ កិច្ចប្រជុំអាយស៊ីស៊ី-អង្គរ គ្រោងធ្វើនៅចុងខែមករានេះ

COVID-19

ជាតិ

ក្រោយខកខានមួយឆ្នាំ កិច្ចប្រជុំអាយស៊ីស៊ី-អង្គរ គ្រោងធ្វើនៅចុងខែមករានេះ

26, Jan 2021 , 8:59 am

រូបភាព

ដោយ: សារព័ត៌មានថ្មីៗ

សៀមរាប៖ គណៈកម្មាធិការអន្ដរជាតដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ដ្រអង្គរ ហៅកាត់ថា អាយស៊ីស៊ី-អង្គរ (ICC-Angkor) គ្រោងរៀបចំនៅចុងខែមករា ឆ្នាំ២០២១ នេះ បន្ទាប់ពីកិច្ចប្រជុំនេះបានខកខានមិនបានធ្វើមួយឆ្នាំ២០២០ ដោយសារជំងឺកូវីដ១៩។

គណៈកម្មាធិការអន្ដរជាតិ អាយស៊ីស៊ី-អង្គរ នឹងរៀបចំកិច្ចប្រជុំបច្ចេកទេសលើកទី៣៤ និងកិច្ចប្រជុំពេញអង្គលើកទី២៧ រយៈពេល២ថ្ងៃ គឺពីថ្ងៃទី២៦ ដល់ទី២៧ ខែមករា ដែលធ្វើឡើងនៅសណ្ឋាគារ សូហ្វីតែល អង្គរភូគីត្រា ខេត្តសៀមរាប។ កិច្ចប្រជុំនេះនឹងមានការចូលរួមពីរដ្ឋមន្ត្រីក្រសួងវប្បធម៌ និងវិចិត្រសិល្បៈ រដ្ឋមន្ដ្រីក្រសួងទេសចរណ៍ សហប្រធានគណៈកម្មាធិការអន្ដរជាតិ អាយស៊ីស៊ី-អង្គរ ព្រមទាំងថ្នាក់ដឹកនាំ និងមន្ត្រីរាជការពីស្ថាប័នពាក់ព័ន្ធមួយចំនួន។

យ៉ាងណា កិច្ចប្រជុំខាងលើនេះ នឹងរៀបចំឡើងតាមរយៈប្រព័ន្ធ Video Conference ដើម្បីជជែកពិភាក្សាលើការងារអភិរក្ស និងអភិវឌ្ឍន៍នានាក្នុងតំបន់រមណីយដ្ឋានអង្គរ ពីអ្នកជំនាញការអាដហុក និងក្រុមការងារអនុវត្តន៍តាមការដ្ឋានការងារនានាក្នុងតំបន់រមណីយដ្ឋានអង្គរ។ ការងារទាំងនោះរួមមាន ការងារជួសជុលស្ពានហាលខាងលិចប្រាសាទអង្គរវត្ត ប្រាសាទទន្លេស្ងួត ប្រាសាទមេបុណ្យខាងលិច ប្រាសាទភ្នំបាខែង ការងារកែលម្អបរិវេណខាងមុខប្រាសាទអង្គរវត្ត និងការកែលម្អផ្លូវមុខព្រះលានជល់ដំរំជាដើម។ល៕