.png)
.png)
.jpg)
.jpg)
ការបើកសាលារៀនឡើងវិញក្នុងក្រុងសៀមរាប ត្រូវពន្យារពេល
- ថ្ងៃសៅរ៍ ទី១១ ខែកញ្ញា ឆ្នាំ២០២១ ម៉ោង ៦:៤៣ នាទី ល្ងាច
ការសាកល្បងបើកសាលារៀនឡើងវិញនៅថ្ងៃទី៧ ខែកញ្ញា ឆ្នាំ២០២១ នៅសាលាបឋមសិក្សាមុខនាគ សង្កាត់គោកចក ក្រុងសៀមរាប។ រូបភាព៖ អ៊ីសា រ៉ហានី
សៀមរាប៖ ក្រោយតាមដានស្ថានការណ៍មួយរយៈ រដ្ឋបាលខេត្តសៀមរាប បានសម្រេចពន្យារពេលបើកសាលារៀនឡើងវិញក្នុងក្រុង។ អភិបាលខេត្តបញ្ជាក់ថា ជំងឺកូវីដ១៩ក្នុងក្រុងសៀមរាបកំពុងផ្ទុះខ្លាំង ដូច្នេះនឹងមិនអនុញ្ញាតឱ្យបើកសាលារៀនវិញទេ ដោយត្រូវរង់ចាំមួយសប្ដាហ៍ទៀត។
ថ្លែងប្រាប់សារព័ត៌មានថ្មីៗតាមទូរសព្ទនៅរសៀលថ្ងៃទី១១ ខែកញ្ញា ឆ្នាំ២០២១ អភិបាលខេត្តសៀមរាប លោក ទៀ សីហា មានប្រសាសន៍ថា រដ្ឋបាលខេត្តបានពន្យារពេល៧ថ្ងៃ ដើម្បីបើកសាលារៀនក្នុងក្រុង ខណៈពេលបច្ចុប្បន្ននេះ អាជ្ញាធរបានសម្រេចបិទខ្ទប់ និងដាក់ក្រុងជាតំបន់លឿងទុំ។ លោកបញ្ជាក់ថា ប្រសិនមួយសប្ដាហ៍ទៀត ស្ថានការណ៍នឹងល្អប្រសើរវិញ នោះខេត្តនឹងពិចារណាដើម្បីបើកសាលាឡើងវិញ។
យ៉ាងណា លោក ទៀ សីហា ប្រាប់ថា ចំពោះតំបន់ពុំមានហានិភ័យ ឬតំបន់ឆ្ងាយៗ អាចបើកបង្រៀនឡើងវិញតាមការស្នើសុំ ហើយមកដល់ពេលនេះ លោកក៏មិនទាន់ទទួលបានរបាយការណ៍ពីចំនួនសាលារៀនដែលស្នើបើកបង្រៀនឡើងវិញនោះដែរ។ លោកបន្ថែមថា ការបើកឡើងវិញនេះ ក៏ត្រូវអនុវត្តតាមគោលការណ៍ណែនាំរបស់ក្រសួងអប់រំ យុវជន និងកីឡា ផងដែរ ដោយក្នុងមួយបន្ទប់មិនតម្រូវឱ្យបង្រៀនលើសពី១៥នាក់ឡើយ និងត្រូវឆ្លាស់វេនគ្នារៀន៕
សូមស្ដាប់ការឡើងរបស់អភិបាលខេត្ត លោក ទៀ សីហា ជុំវិញករណីខាងលើនេះដូចតទៅ
© រក្សាសិទ្ធិដោយ thmeythmey.com
Tag:
