ជាតិ  
ក្រសួងប្រៃសណីយ៍ លុបអាជ្ញាបណ្ណសេវាបញ្ញើឆាប់រហ័សអន្តរជាតិរបស់ក្រុមហ៊ុន២
  • ថ្ងៃអាទិត្យ ទី៨ ខែឧសភា ឆ្នាំ២០២២ ​​ ម៉ោង ៧:៣៩ នាទី ល្ងាច
ក្រសួងប្រៃសណីយ៍ លុបអាជ្ញាបណ្ណសេវាបញ្ញើឆាប់រហ័សអន្តរជាតិរបស់ក្រុមហ៊ុន២
រូបភាពពីក្រសួងប្រៃសណីយ៍
ភ្នំពេញ៖ ក្រសួងប្រៃសណីយ៍ និងទូរគមនាគមន៍ សម្រេចលុបអាជ្ញាបណ្ណសេវាបញ្ញើឆាប់រហ័សអន្តរជាតិរបស់ក្រុមហ៊ុន ២។ បើតាមសេចក្ដីជូនដំណឹងរបស់ក្រសួងប្រៃសណីយ៍ ក្រុមហ៊ុនទាំង ២ បានដាក់ពាក្យស្នើសុំឈប់ធ្វើអាជីវកម្មដោយខ្លួនឯង។
TTN-Free-Banner-In-Article-PC

 
ក្រុមហ៊ុន PHNOM PENH SORYA DEKCHUNCHOUN NAKDAMNOEUR CO.,LTD និងក្រុមហ៊ុន ALADDIN EXPRESS CO.,LTD ត្រូវបានក្រសួងប្រៃសណីយ៍ និងទូរគមនាគមន៍ សម្រេចលុបអាជ្ញាបណ្ណសេវាបញ្ញើឆាប់រហ័សអន្តរជាតិ។ បើតាមសេចក្ដីប្រកាសព័ត៌មានរបស់ក្រសួងប្រៃសណីយ៍ ការសម្រេចលុបអាជ្ញាបណ្ណនេះ ក្រោយក្រុមហ៊ុនទាំង២ បានដាក់ពាក្យស្នើសុំឈប់ធ្វើអាជីវកម្ម។
 
បើទោះបីក្រុមហ៊ុនទាំង២ បានលុបអាជ្ញាបណ្ណរួចហើយក៏ដោយ ក្រសួងប្រៃសណីយ៍ក៏បានណែនាំដល់ប្រតិបត្តិករទាំង២ បំពេញកាតព្វកិច្ចទទួលខុសត្រូវចំពោះបុគ្គលិក អតិថិជន និងតតិយជន ស្របតាមច្បាប់ និងបទប្បញ្ញត្តិជាធរមាន ក្នុងករណីមានការតវ៉ាជាយថាហេតុពាក់ព័ន្ធនឹងការលុបនេះ៕ 
អ្នកសរសេរអត្ថបទ

ញឹក ស្រីល័ក្ខ  (Nhek Sreyleak) ចូលបម្រើក្នុងស្ថាប័នសារព័ត៌មានថ្មីៗ ក្នុងឆ្នាំ២០១៦ ដោយចាប់ការងារជាអ្នកហាត់ការ។ បច្ចុប្បន្ន ស្រីល័ក្ខ ជានិពន្ធនាយិការង ដែលទទួលបន្ទុកផ្នែកព័ត៌មានសង្គម។     ស្រីល័ក្ខ ស្រឡាញ់អាជីពអ្នកសារព័ត៌មានតាំងពីកុមារភាព។ ក្រោយប្រឡូកក្នុងវិស័យសារព័ត៌មានជាច្រើនឆ្នាំ ស្រីល័ក្ខ ទទួលបានរហស្សនាមថា «នាងថ្មីៗ»។    ស្រីល័ក្ខ បានបញ្ចប់ការសិក្សាថ្នាក់បរិញ្ញាបត្រផ្នែកព័ត៌មាន និងគមនាគមន៍នៅសាកលវិទ្យាល័យកម្ពុជា។ បច្ចុប្បន្ន ស្រីល័ក្ខ កំពុងបន្តការសិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច៕

Cambodianess.com
© រក្សាសិទ្ធិដោយ thmeythmey.com
Tag:

ញឹក ស្រីល័ក្ខ