.png)
.png)
.jpg)
.jpg)
AFC Futsal៖ជំនួបបើកឆាក ថៃ ជួបអ៊ីរ៉ាក់ ខណៈគុយវ៉ែត ស្វាគមអូម៉ង់
- ថ្ងៃអង្គារ ទី២៧ ខែកញ្ញា ឆ្នាំ២០២២ ម៉ោង ៥:១៩ នាទី ល្ងាច
កម្មវិធីសន្និសីទសារព័ត៌មានមុនការប្រកួតពានរង្វាន់ AFC Futsal Asian Cup។ រូបពី AFC
ជំនួបបើកឆាកពានរង្វាន់បាល់ទាត់ក្នុងសាល AFC Futsal Asian Cup2022 វេលាម៉ោង ៥៖០០នាទី ថ្ងៃទី២៧ ខែកញ្ញា មានក្រុមជម្រើសជាតិថៃ ប៉ះអ៊ីរ៉ាក់ នាកីឡដ្ឋាន Saad Al Abdullah Hall មុនម្ចាស់ផ្ទះគុយវ៉ែត ទទួលក្រុម អូម៉ង់ នាកីឡដ្ឋានដូចគ្នា ក្នុងវគ្គជម្រុះសន្សំពីន្ទុពូល A។
ក្រុមបាល់ទាត់ក្នុងសាលថៃ ជួបអ៊ីរ៉ាក់ ៣លើកពុំដែលស្គាល់ពាក្យចាញ់ឡើយពោល ឈ្នះ ១-០,៧-២ និង ៤-០។ ៣ប្រកួតចុងក្រោយរបស់ក្រុមថៃ ឈ្នះវៀតណាម ៣-១ ស្មើឥណ្ឌូណេស៊ីទាំងពីរលើកក្នុងលទ្ធផល ២-២ និង ០-០។ ចំណែក អ៊ីរ៉ាក់ ៣ប្រកួតចុងក្រោយរបស់គេកន្លងមក ស្មើអ៊ូបេសគីស្ថាន ៤-៤ និងចាញ់ថៃ ប្រកួតជាប់គ្នា ៧-២ និង ៤-០។
រីឯម្ចាស់ផ្ទះគុយវ៉ែត ធ្លាប់ជួបអូម៉ង់ ៣លើក ក្នុងនោះគុយវ៉ែត ពុំដែលឈ្នះអូម៉ង់ឡើយ ពោលចាញ់ ១-០, ១-០ និង២-១។ ៣ប្រកួតចុងក្រោយរបស់គុយវ៉ែត ចាញ់ឥណ្ឌូណេស៊ី ២-១ ឈ្នះនេប៉ាល់ ៤-១ និងចាញ់ហ្ស៊កដានី ៣-០។ អូម៉ង់ ៣ប្រកួតចុងក្រោយរបស់ខ្លួន ស្មើណូវែលសេឡង់ ០-០ ស្មើអ៊ីរ៉ាក់ ១-១ និងចាញ់ហ្ស៊កដានី ១-០។
គួរបញ្ជាក់ថា ការប្រកួតពានរង្វាន់បាល់ទាត់ក្នុងសាល AFC Futsal Asian Cup2022 នៅប្រទេសគុយវ៉ែត ចាប់ផ្តើមពីថ្ងៃទី២៧ ដល់ថ្ងៃទី៨ តុលា ឆ្នាំ២០២២ ដែលមានក្រុមចំនួន១៦ នឹងប្រកួតប្រជែងគ្នា៕
© រក្សាសិទ្ធិដោយ thmeythmey.com
Tag:
