.png)
.jpg)
.jpg)
តំណាងសង្គមស៊ីវិលសង្ឃឹម ការលើកកម្ពស់សមភាពយែនឌ័រមិនរងផលប៉ះពាល់ក្រោយកម្ពុជាចាកចេញពីប្រទេសអភិវឌ្ឍតិចតួច
- ថ្ងៃសៅរ៍ ទី១១ ខែមីនា ឆ្នាំ២០២៣ ម៉ោង ១២:៥០ នាទី រសៀល
កញ្ញា ណម ស៊ីណា ជាមួយលោកស្រី Fatima Rabab អគ្គលេខាធិការរងអង្គការសហប្រជាជាតិ និងជាតំណាងជាន់ខ្ពស់ទទួលបន្ទុកប្រទេសអភិវឌ្ឍតិចតួច។ រូបភាព៖ សៅ ផលនិស្ស័យ
ដូហា៖ ប្រធានកម្មវិធីទំនាក់ទំនងសហគមន៍នៃអង្គការយែនឌ័រ និងអភិវឌ្ឍន៍ដើម្បីកម្ពុជា (GADC) កញ្ញា ណម ស៊ីណា ស្ថិតក្នុងចំណោមតំណាងអង្គការសង្គមស៊ីវិលពីកម្ពុជាដែលចូលរួមក្នុងសន្និសីទលើកទីប្រាំស្តីពីប្រទេសអភិវឌ្ឍតិចតួច (LDC5) នៅក្រុងដូហា ប្រទេសកាតា ដើម្បីជំរុញឱ្យមានការបន្តយកចិត្តទុកដាក់លើការគាំទ្រប្រទេសអភិវឌ្ឍតិចតួចឱ្យសម្រេចបាននូវសមភាពយែនឌ័រ។
បើតាមអ្នកជំនាញរូបនេះ ថ្វីបើចំណេះដឹង និងការលើកកម្ពស់សមភាពយែនឌ័រនៅកម្ពុជាមានការរីកចម្រើន និងមានសន្ទុះគួរឱ្យកត់សម្គាល់ក៏ដោយ វានៅមានបញ្ហាប្រឈមជាច្រើនទៀតដែលតម្រូវឱ្យគ្រប់ភាគីពាក់ព័ន្ធចូលរួមដោះស្រាយ។ ការបង្កើនចំនួនស្ត្រីក្នុងការសម្រេចចិត្ត ការលើកស្ទួយការអប់រំក្នុងស្ត្រី និងក្មេងស្រីក្នុងវិស័យវិទ្យាសាស្ត្រ និងការគាំទ្រផ្សេងទៀតចាំបាច់ត្រូវមានការបន្តយកចិត្តទុកដាក់ដើម្បីធានាថា សមភាពយែនឌ័រ អាចសម្រេចទៅបាននៅពេលខាងមុខ។ យ៉ាងណាក៏ដោយ បើទោះជាការចាកចេញពីចំណាត់ថា្នក់ប្រទេសអភិវឌ្ឍតិចតួចរបស់កម្ពុជានៅពេលខាងមុខបង្ហាញពីការរីកចម្រើន និងបង្ហាញពីលទ្ធភាពនៃការពឹងផ្អែកលើខ្លួនឯងបានច្រើនក៏ដោយ ក៏វាមានចំណុចអវិជ្ជមានខ្លះដែរ។ បើតាមប្រធានកម្មវិធីនៃអង្គការ GADC នោះគឺលទ្ធភាពបន្តលើកកម្ពស់សមភាពយែនឌ័រ ដ្បិតអង្គការសង្គមស៊ីវិលភាគច្រើនដែលធ្វើការងារលើបញ្ហានេះ អាចប្រឈមនឹងការបាត់បង់ជំនួយគាំទ្រផ្នែកហិរញ្ញវត្ថុពីប្រទេសជាដៃគូអភិវឌ្ឍ។
បើតាមអ្នកជំនាញរូបនេះ ថ្វីបើចំណេះដឹង និងការលើកកម្ពស់សមភាពយែនឌ័រនៅកម្ពុជាមានការរីកចម្រើន និងមានសន្ទុះគួរឱ្យកត់សម្គាល់ក៏ដោយ វានៅមានបញ្ហាប្រឈមជាច្រើនទៀតដែលតម្រូវឱ្យគ្រប់ភាគីពាក់ព័ន្ធចូលរួមដោះស្រាយ។ ការបង្កើនចំនួនស្ត្រីក្នុងការសម្រេចចិត្ត ការលើកស្ទួយការអប់រំក្នុងស្ត្រី និងក្មេងស្រីក្នុងវិស័យវិទ្យាសាស្ត្រ និងការគាំទ្រផ្សេងទៀតចាំបាច់ត្រូវមានការបន្តយកចិត្តទុកដាក់ដើម្បីធានាថា សមភាពយែនឌ័រ អាចសម្រេចទៅបាននៅពេលខាងមុខ។ យ៉ាងណាក៏ដោយ បើទោះជាការចាកចេញពីចំណាត់ថា្នក់ប្រទេសអភិវឌ្ឍតិចតួចរបស់កម្ពុជានៅពេលខាងមុខបង្ហាញពីការរីកចម្រើន និងបង្ហាញពីលទ្ធភាពនៃការពឹងផ្អែកលើខ្លួនឯងបានច្រើនក៏ដោយ ក៏វាមានចំណុចអវិជ្ជមានខ្លះដែរ។ បើតាមប្រធានកម្មវិធីនៃអង្គការ GADC នោះគឺលទ្ធភាពបន្តលើកកម្ពស់សមភាពយែនឌ័រ ដ្បិតអង្គការសង្គមស៊ីវិលភាគច្រើនដែលធ្វើការងារលើបញ្ហានេះ អាចប្រឈមនឹងការបាត់បង់ជំនួយគាំទ្រផ្នែកហិរញ្ញវត្ថុពីប្រទេសជាដៃគូអភិវឌ្ឍ។
សូមស្តាប់បទសម្ភាសទាំងស្រុងរវាងសារព័ត៌មានថ្មីៗជាមួយកញ្ញា ណម ស៊ីណាដូចខាងក្រោម ៖
© រក្សាសិទ្ធិដោយ thmeythmey.com
