អន្តរជាតិ 
សភាជប៉ុន បណ្ដេញសមាជិកម្នាក់ព្រោះមិនដែលចូលប្រជុំសូម្បីម្ដង
  • ថ្ងៃពុធ ទី១៥ ខែមីនា ឆ្នាំ២០២៣ ​​ ម៉ោង ៤:០៦ នាទី រសៀល
សភាជប៉ុន បណ្ដេញសមាជិកម្នាក់ព្រោះមិនដែលចូលប្រជុំសូម្បីម្ដង
សមាជិកសភាជប៉ុនម្នាក់ ត្រូវបានបណ្ដេញចេញពីតំណែងរបស់ខ្លួន ក្រោមហេតុតផលមិនចូលប្រជុំសភាសូម្បីម្ដង។ នេះជាលើកដំបូងដែលសភាជប៉ុនបណ្ដេញសមាជិកក្រោមហេតុផលនេះ។
TTN-Free-Banner-In-Article-PC
 
លោក Yoshikazu Higashitani ដែលជាតារាតាមបណ្ដាញសង្គម YouTube ម្នាក់ មិនដែលបង្ហាញមុខម្ដងឡើយក្នុងកិច្ចប្រជុំសភាជាន់ខ្ពស់ជប៉ុន ចាប់តាំងពីជាប់ឆ្នោតនៅឆ្នាំ២០២២។ កាលពីខែមីនា លោកក៏ត្រូវបានកោះហៅដើម្បីសុំទោសចំពោះអវត្តមាននេះ តែក៏នៅតែមិនបានបង្ហាញមុខដដែល ព្រោះនៅឯបរទេស។ 
 
កន្លងមក លោក Higashitani ក៏ធ្លាប់ផ្ញើសារសុំទោសជាវីដេអូដែរ ប៉ុន្តែត្រូវបានបដិសេធ។ ការបណ្ដេញចេញ ជាទោសធ្ងន់បំផុតសម្រាប់ការដាក់វិន័យសមាជិកសភានៅជប៉ុន។
 
លោក Higashitani ជាសមាជិកបក្ស NHK ដែលតែងរិះគន់ប្រព័ន្ធផ្សព្វផ្សាយសាធារណៈ NHK ផ្ទាល់។ ប៉ុន្តែបក្សបានផ្លាស់ប្ដូរឈ្មោះជារឿយៗ ហើយចុងក្រោយប្ដូរទៅជាបក្ស Seijika Joshi 48 វិញ៕
 
 
 
អ្នកសរសេរអត្ថបទ

តន ចាន់រិទ្ធារ៉ា ចូលប្រឡូូកក្នុងវិស័យសារព័ត៌មានក្នុងឆ្នាំ២០១៥។ ធារ៉ា បានបញ្ចប់ថ្នាក់បរិញ្ញាបត្រសិក្សាអន្តរជាតិពីវិទ្យាស្ថានភាសាបរទេសក្នុងឆ្នាំ២០១៦៕

© រក្សាសិទ្ធិដោយ thmeythmey.com
Tag:

តន ចាន់​រិ​ទ្ធា​រ៉ា