.jpg)
.jpg)
សម្ដេច ហ៊ុន សែន ស្នើឱ្យលោក សៅ សុខា បន្តធ្វើជាប្រធានសហព័ន្ធកីឡាបាល់ទាត់កម្ពុជាទៀត
- ថ្ងៃចន្ទ ទី៨ ខែឧសភា ឆ្នាំ២០២៣ ម៉ោង ៣:៤៣ នាទី រសៀល
សម្ដេច ហ៊ុន សែន ស្នើឱ្យលោកនាយឧត្តមសេនីយ៍ សៅ សុខា បន្តធ្វើជាប្រធានសហព័ន្ធកីឡាបាល់ទាត់កម្ពុជាទៀត ។ សំណើររបស់សម្ដេច ហ៊ុន សែន នេះ ធ្វើឡើងក្រោយពីលោក សៅ សុខា បានប្រកាសលាលែងពីតំណែង ក្រោយក្រុមជម្រើសជាតិបុរសកម្ពុជា ចាញ់ក្រុមមីយ៉ាន់ម៉ា ដោយលទ្ធផល២-០ នៃព្រឹត្តិការណ៍ស៊ីហ្គេម កាលពីថ្ងៃទី៧ ឧសភា។
សម្ដេច ហ៊ុន សែន យល់ឃើញថា ការដឹកនាំបាល់ទាត់ចាញ់-ឈ្នះ គឺជារឿងធម្មតានោះទេ នៅក្នុងវិស័យកីឡា។ ម្យ៉ាងវិញទៀត ប្រមុខរដ្ឋាភិបាល ក៏យល់ឃើញដែរថា វិស័យបាល់ទាត់ក្រោមការដឹកនាំរបស់លោក សៅ សុខា រយៈពេលជាង១០ឆ្នាំមកនេះ មានការរីកចម្រើនច្រើន ដូច្នេះមិនគួរឱ្យប្រធានសហព័ន្ធបាល់ទាត់រូបនេះ ដើរចេញពីតួនាទី ព្រោះតែដឹកនាំក្រុមកម្ពុជា ចាញ់ក្រុមមីយ៉ាន់ម៉ានេះឡើយ។
តាមរយៈសារសំឡេងជាង៦នាទី ប្រមុខរដ្ឋាភិបាល បានសង្កត់ធ្ងន់ថា៖«ចាប់តាំងពីឯកឧត្តម សៅ សុខា ទទួលបាននូវមុខតំណែង(ប្រធានសហព័ន្ធកីឡាបាល់ទាត់កម្ពុជា)នេះ កីឡាបាល់ទាត់នៅកម្ពុជា បានរីកចម្រើនឈានឡើងជាលំដាប់ បើទោះលទ្ធផលមិនអាចតាមការចង់បានរបស់យើងក៏ដោយចុះ ប៉ុន្តែយើងក៏បានដើរចេញឆ្ងាយពីចំណុចដែលមិនធ្លាប់មានកាលពីពេលមុន»។
សម្ដេច ហ៊ុន សែន យល់ឃើញថា ការដឹកនាំបាល់ទាត់ចាញ់-ឈ្នះ គឺជារឿងធម្មតានោះទេ នៅក្នុងវិស័យកីឡា។ ម្យ៉ាងវិញទៀត ប្រមុខរដ្ឋាភិបាល ក៏យល់ឃើញដែរថា វិស័យបាល់ទាត់ក្រោមការដឹកនាំរបស់លោក សៅ សុខា រយៈពេលជាង១០ឆ្នាំមកនេះ មានការរីកចម្រើនច្រើន ដូច្នេះមិនគួរឱ្យប្រធានសហព័ន្ធបាល់ទាត់រូបនេះ ដើរចេញពីតួនាទី ព្រោះតែដឹកនាំក្រុមកម្ពុជា ចាញ់ក្រុមមីយ៉ាន់ម៉ានេះឡើយ។
តាមរយៈសារសំឡេងជាង៦នាទី ប្រមុខរដ្ឋាភិបាល បានសង្កត់ធ្ងន់ថា៖«ចាប់តាំងពីឯកឧត្តម សៅ សុខា ទទួលបាននូវមុខតំណែង(ប្រធានសហព័ន្ធកីឡាបាល់ទាត់កម្ពុជា)នេះ កីឡាបាល់ទាត់នៅកម្ពុជា បានរីកចម្រើនឈានឡើងជាលំដាប់ បើទោះលទ្ធផលមិនអាចតាមការចង់បានរបស់យើងក៏ដោយចុះ ប៉ុន្តែយើងក៏បានដើរចេញឆ្ងាយពីចំណុចដែលមិនធ្លាប់មានកាលពីពេលមុន»។
បើតាមសម្ដេច ហ៊ុន សែន ប្រទេសខ្លះមានប្រជាជនរាប់រយពាន់នាក់ ក៏មិនទាន់អាចធ្វើឱ្យវិស័យបាល់ទាត់ទទួលបានលទ្ធផលដែលពួកគេចង់បានផង ចុះទម្រាំតែកម្ពុជា មានប្រជាជន១៦លាននាក់? ត្រង់ចំណុចនេះ លោកនាយករដ្ឋមន្រ្តី អះអាងថា លទ្ធផលដែលកម្ពុជា សម្រេចបានប៉ុណ្ណេះ គឺអាចទទួលយកបានហើយ។
«ដូច្នេះក្នុងឋានៈជានាយករដ្ឋមន្រ្តីនៃប្រទេសកម្ពុជា ខ្ញុំអំពាវនាវចំពោះនាយឧត្តមសេនីយ៍ សៅ សុខា បន្តធ្វើជាប្រធានសហព័ន្ធកីឡាបាល់ទាត់បន្តទៅទៀត»។ នេះបើតាមសម្ដេច ហ៊ុន សែន ដែលសង្ឃឹមថា លោក សៅ សុខា នឹងទទួលយកនូវសំណូមពរសម្ដេច ដើម្បីបន្តការដឹកនាំ និងអភិវឌ្ឍន៍វិស័យបាល់ទាត់បន្ថែមទៀត។
Relate
Relate
© រក្សាសិទ្ធិដោយ thmeythmey.com
Tag:
