.png)
.png)
.jpg)
.jpg)
ប៉ូលិសថៃរឹបអូសគ្រឿងញៀនតម្លៃ៨,១៥លានដុល្លារ
- ថ្ងៃសុក្រ ទី២៩ ខែកញ្ញា ឆ្នាំ២០២៣ ម៉ោង ១១:២៩ នាទី ព្រឹក
ប៉ូលិសថៃបានរឹបអូសថ្នាំមេតំហ្វេតាមីនជាង១៥លានគ្រាប់ និងសារធាតុខុសច្បាប់ផ្សេងទៀតតម្លៃ៣០០លានបាត (៨,១៥លានដុល្លារ)។ អាជ្ញាធរថៃ បានបញ្ជាក់នៅថ្ងៃទី២៨ ខែ កញ្ញាថា ចំនួននេះជាគ្រឿងញៀនដ៏ធំបំផុតក្នុងឆ្នាំ២០២៣។
ក្នុងប្រតិបត្តិការនៅផ្ទះមួយក្នុងខេត្តនគរបឋម ប៉ូលិសថៃចាប់ខ្លួនមនុស្ស៤នាក់ និងថ្នាំញៀនប្រភេទ មេតំហ្វេតាមីនគ្រីស្តាល់៤២០គីឡូក្រាមព្រមទាំងហេរ៉ូអ៊ីនមួយចំនួនទៀត។
«នេះគឺជាកន្លែងផ្ទុកគ្រឿងញៀនដ៏ធំបំផុតមួយនៅកណ្តាលប្រទេសថៃ»។ រដ្ឋមន្ត្រីក្រសួងយុត្តិធម៌ថៃ Tawee Sodsong បានប្រាប់អ្នកសារព័ត៌មានបែបនេះ។
ចំណែកឧត្តមសេនីយ៍ Torsak Sukvimol ដែលនឹងក្លាយជាអគ្គស្នងការប៉ូលិសថៃបានលើកឡើងថា ថ្នាំញៀនទាំងនេះត្រូវបានផលិតនៅក្នុងប្រទេសជិតខាង។
ក្នុងការបាយការណ៍ចេញដើមឆ្នាំនេះ អង្គការសហប្រជាជាតិ (UN) អះអាងថា ការជួញដូរថ្នាំញៀននៅតំបន់អាស៊ីបូព៌ា និងអាស៊ីអាគ្នេយ៍កំពុងកើនឡើង ដោយបរិមាណថ្នាំមេតំហ្វេតាមីនត្រូវបានផលិតចេញពីតំបន់ត្រីកោណមាសដែលជាព្រំប្រទល់រវាងមីយ៉ាន់ម៉ា ថៃ និងឡាវ។
តំបន់ត្រីកោណមាសនេះ មានប្រវត្តិការផលិតគ្រឿងញៀនខុសច្បាប់ជាយូរមកហើយហើយថ្មីៗនេះបានក្លាយជាមជ្ឈមណ្ឌលផលិតកម្មដ៏ធំសម្រាប់សារធាតុរំញោចប្រភេទអាំហ្វេតាមីន ជាពិសេសថ្នាំមេតំហ្វេតាមីន ដែលប្រើប្រាស់ដោយក្រុមឧក្រិដ្ឋកម្មអាស៊ី ជាមួយនឹងបណ្តាញចែកចាយរហូតដល់ជប៉ុន និងនូវែលសេឡង់ឯណោះ៕
© រក្សាសិទ្ធិដោយ thmeythmey.com
Tag:
