.png)
ដូនចាស់ អ៊ុំ ស៊ីម ត្រេកអរដែលចៅបាននិទ្ទេសA នាំកិត្តិយសដល់គ្រួសារ
- ថ្ងៃព្រហស្បតិ៍ ទី១១ ខែមករា ឆ្នាំ២០២៤ ម៉ោង ៧:២៩ នាទី ល្ងាច
ភ្នំពេញ៖ លោកយាយ អ៊ុំ ស៊ីម គឺជាជីដូនរបស់យុវសិស្ស នី វីរៈនាថ ដែលប្រឡងសញ្ញាបត្រមធ្យមសិក្សាទុតិយភូមិ បាននិទ្ទេសA ក្នុងឆ្នាំ២០២៣។ ក្នុងថ្ងៃទទួលរង្វាន់សិស្សនិទ្ទេសA ដូនចាស់វ័យ ៨៣ឆ្នាំ និងម្តាយរបស់ វីរៈនាថ ក៏មានវត្តមាននៅក្នុងពិធីសំណេះសំណាលជាមួយសម្ដេចនាយករដ្ឋមន្រ្តី នៅមជ្ឈមណ្ឌលOCICដូចគ្នា។ លោកយាយ ស៊ីម ពោលទាំងរំភើបថា មានអារម្មណ៍ត្រេកអរ និងសប្បាយអស់ពីចិត្ត ដែលចៅប្រុសសំណព្វ ប្រឡងបាននិទ្ទេសA។
សូមលោក អ្នកនាងអញ្ជើញទស្សនាវីដេអូដូចតទៅ៖
លោកយាយ អ៊ុំ ស៊ីម រួមទាំងម្តាយ របស់យុវជន នី វីរៈនាថ បានធ្វើដំណើរពីខេត្តកំពង់ចាម ដើម្បីមកចូលរួមអបអរនាថ្ងៃ វីរៈនាថ ទទួលរង្វាន់។ គ្មានអ្វីប្រៀបផ្ទឹម នឹងលទ្ធផលដែលចៅធ្វើបាននេះឡើយ លោកយាយ លើកឡើយថា ចៅរបស់លោកយាយ ពិតជាប្រឹងប្រែងជាខ្លាំងទម្រាំបាននិទ្ទេសA។
«ត្រេកអរនឹងចៅ ជួយលើកទឹកចិត្តចៅឱ្យបានជោគជ័យតទៅមុខទៀត។ ចៅមានអត្តចរិកសមរម្យ ប្រឹងប្រែងយកជោគជ័យ។ នៅពេលចៅយកនិទ្ទេសAបាន គ្រួសារពិតជាកិត្តិយសដល់គ្រួសារ។» លោកយាយ អ៊ុំ ស៊ីម និយាយទាំងទឹកមុខញញឹម។ លោកយាយ បន្ថែមថា នេះជាអំណោយយ៉ាងធំសម្រាប់លោកយាយ និងគ្រួសារ។ ដូនចាស់រូបនេះ អរគុណចៅប្រុសសំណព្វចិត្ត ដែលខិតខំរៀនសូត្រ ប្រឡងយកនិទ្ទេសA៕
© រក្សាសិទ្ធិដោយ thmeythmey.com
Tag:
.gif)
