.jpg)
.jpg)
រដ្ឋមន្ត្រីការពារជាតិដាណឺម៉ាកព្រមានរុស្ស៊ីអាចវាយប្រហារណាតូក្នុងរយៈពេល ៣ ទៅ ៥ ឆ្នាំ
- ថ្ងៃសៅរ៍ ទី១០ ខែកុម្ភៈ ឆ្នាំ២០២៤ ម៉ោង ៨:៣៩ នាទី យប់
រូបភាព Reuters
រដ្ឋមន្ត្រីការពារជាតិដាណឺម៉ាក លោក Troels Lund Poulsen នៅថ្ងៃទី៩ ខែកុម្ភៈបានលើកឡើងថា ដាណឺម៉ាកគួរតែបង្កើនល្បឿននៃការវិនិយោគយោធារបស់ខ្លួន បន្ទាប់ពីព័ត៌មានស៊ើបការណ៍សម្ងាត់ថ្មីមួយបង្ហាញថា រុស្ស៊ីកំពុងរៀបចំកម្លាំងឡើងវិញលឿនជាងការរំពឹងទុក ហើយអាចវាយប្រហារបណ្ដាប្រទេសសម្ព័ន្ធយោធាណាតូក្នុងរយៈពេលពី ៣ ទៅ ៥ ឆ្នាំខាងមុខ។
«សមត្ថភាពរបស់រុស្ស៊ីក្នុងការផលិតឧបករណ៍យោធាបានកើនឡើងយ៉ាងខ្លាំង»។រដ្ឋមន្ត្រីការពារជាតិលោក Poulsen បានប្រាប់កាសែត Jyllands-Posten បែបនេះរួចបន្តថា មិនអាចមានការបដិសេធបានទេថាក្នុងរយៈពេលប៉ុន្មានឆ្នាំខាងមុខ រុស្ស៊ីនឹងសាកល្បងមាត្រា៥ និងសាមគ្គីភាពរបស់ណាតូដែលនេះមិនមែនជាការវាយតម្លៃរបស់ណាតូក្នុងឆ្នាំ ២០២៣ទេ។ នេះបើយោងតាមការស៊ើបការសម្ងាត់ថ្មី។
មាត្រា ៥ ដែលោក Poulsen លើកឡើងសំដៅលើការចែងថា ប្រសិនបើសម្ព័ន្ធមិត្តណាតូជា ជនរងគ្រោះនៃការវាយប្រហារដោយប្រដាប់អាវុធសមាជិកម្នាក់ៗនៃសម្ព័ន្ធនឹងចាត់ទុកអំពើ ហិង្សានេះថាជាការវាយប្រហារប្រដាប់អាវុធប្រឆាំងនឹងសមាជិកទាំងអស់ ហើយនឹងចាត់វិធាន ការដែលយល់ថាចាំបាច់ ដើម្បីជួយសម្ព័ន្ធមិត្តដែលត្រូវបានវាយប្រហារ។
កន្លងមក មាត្រា ៥នៃអង្គការណាតូស្តីពីសន្តិសុខសមូហភាព ក៏ធ្លាប់ត្រូវបានអនុវត្តដែរ ក្រោយពីអគារពាណិជ្ជកម្មអាម៉េរិក ត្រូវបានវាយប្រហារនៅក្នុងឆ្នាំ២០០១។
ទន្ទឹមនេះ លោក Poulsen បាននិយាយថា មិនមានការគំរាមកំហែងដោយផ្ទាល់ប្រឆាំង នឹងដាណឺម៉ាកទេ ប៉ុន្តែសម្ព័ន្ធភាពអាចប្រឈមមុខនឹងការវាយប្រហារចម្រុះក្នុងកិច្ចខិតខំដើម្បី ធ្វើឱ្យមានអស្ថិរភាពដល់ប្រទេសជាសមាជិក។ លោក៏បានសង្កត់ធ្ងន់ផងដែរថា រុស្ស៊ីមាន សក្តានុពល ឆន្ទៈ ហើយព្រមទាំងសមត្ថភាពយោធាលឿនជាងអ្វីដែល ពួកគេរំពឹងទុកដែលជា ហេតុផលដែលគួរឱ្យព្រួយបារម្ភ។
គួរបញ្ជាក់ថា ការវាយតម្លៃនៃការគំរាមកំហែងដែលបានផ្លាស់ប្តូរនេះកើតឡើងបន្ទាប់ពីប្រទេស អឺរ៉ុបផ្សេងទៀតរបស់ប្លុកបានធ្វើការព្រមានស្រដៀងគ្នាក្នុងប៉ុន្មានសប្តាហ៍ថ្មីៗនេះ។ រដ្ឋមន្ត្រី ការពារជាតិអាល្លឺម៉ង់លោក Boris Pistorius កាលពីខែមករាមានប្រសាសន៍ថា សម្ព័ន្ធមិត្ត គួរតែរៀបចំសម្រាប់ការវាយប្រហាររបស់រុស្ស៊ីលើណាតូក្នុងរយៈពេលពីប្រាំទៅប្រាំបីឆ្នាំ៕
© រក្សាសិទ្ធិដោយ thmeythmey.com
Tag:
