.png)
.png)
.jpg)
.jpg)
ថៃដាក់ចេញផែនការវិនិយោគសាធារណៈ និងឯកជនទំហំដ៏ធំ ដើម្បីជំរុញសេដ្ឋកិច្ចរយៈពេលវែង
- ថ្ងៃសៅរ៍ ទី១៧ ខែកុម្ភៈ ឆ្នាំ២០២៤ ម៉ោង ១១:០០ នាទី ព្រឹក
លោកសេដ្ឋា ថាវីស៊ីន នាយករដ្ឋមន្រ្តីថៃ។ រូបភាព Xinhua
រដ្ឋាភិបាលថៃ នៅថ្ងៃទី១៦ ខែកុម្ភៈ បានលើកឡើង ថា ខ្លួនបានរៀបចំគម្រោងវិនិយោគភាពជាដៃគូសាធារណៈ និងឯកជនដែលមានតម្លៃ ១,១៩ ពាន់ពាន់លានបាត ឬ ៣៣ ពាន់លានដុល្លារ ក្នុងអំឡុងពេល ២០២០-២០២៧ ខណៈដែលព្យាយាមជំរុញកំណើនសេដ្ឋកិច្ចរយៈពេលវែង។
ចំនួនទឹកប្រាក់ដែលបានគ្រោងទុកសម្រាប់ផែនការវិនិយោគឆ្នាំ ២០២០-២០២៧ ត្រូវបានកែ ប្រែខ្ពស់ជាងការអនុម័តពីមុនបន្តិចដែលមានចំនួន ១,១៧ ពាន់ពាន់លានបាត ឬ ៣២,៣ ពាន់លានដុល្លារ។ ការបង្កើនចំនួនថវិកានេះមានគោលបំណងទាក់ទាញក្រុមហ៊ុនឯកជនកាន់ តែច្រើនមកបណ្តាក់ទុនក្នុងគម្រោងរដ្ឋាភិបាល។
បន្ថែមពីនេះ នៅក្នុងសេចក្ដីថ្លែងការណ៍មួយ គណៈកម្មាធិការភាពជាដៃគូសាធារណៈ និងឯក ជនក៏បានអនុម័តលើការវិនិយោគដែលមានតម្លៃប្រហែល ៥០៩,៤ ពាន់លានដុល្លារនៅ កំពង់ផែ Laem Chabang ក្នុងខេត្តឈុនបុរីភាគខាងកើតផងដែរ។
រដ្ឋាភិបាលក៏នឹងពន្លឿនគម្រោងហេដ្ឋារចនាសម្ព័ន្ធផ្សេងទៀតដែលមានតម្លៃសេដ្ឋកិច្ចខ្ពស់ ដោយសារប្រទេសមានសេដ្ឋកិច្ចធំទីពីររបស់អាស៊ីអាគ្នេយ៍មួយនេះ មានសេដ្ឋកិច្ចដើរយឺតយ៉ាវនៅ
ក្នុងតំបន់។
ក្រសួងហិរញ្ញវត្ថុបានព្យាករណ៍កំណើនត្រឹមតែ ២,៨ ភាគរយប៉ុណ្ណោះនៅឆ្នាំនេះ បន្ទាប់ពី កំណើន១,៨ ភាគរយដែលត្រូវបានប៉ាន់ប្រមាណសម្រាប់ឆ្នាំ ២០២៣។ ការព្យាករណ៍នេះ ធ្លាក់ចុះយ៉ាងខ្លាំងបើធៀបនឹងការព្យាករណ៍ពីមុន។ ក្រៅពីនេះការកំណត់ផលិតផលក្នុងស្រុក សរុប (GDP) ឆ្នាំ ២០២៣ ផ្លូវការនឹងមកសម្រេចនៅថ្ងៃទី១៩ ខែកុម្ភៈ៕
© រក្សាសិទ្ធិដោយ thmeythmey.com
Tag:
.gif)