.png)
អ្នកគាំទ្រ Brighton ២នាក់ បញ្ជូនទៅមន្ទីរពេទ្យភ្លាមៗ ក្រោយត្រូវគេចាក់ក្នុងទីក្រុងរ៉ូម
- ថ្ងៃសុក្រ ទី៨ ខែមីនា ឆ្នាំ២០២៤ ម៉ោង ១២:២៩ នាទី រសៀល
អ្នកគាំទ្រក្រុម Brighton & Hove Albion ចំនួន ២នាក់ ត្រូវបានបញ្ជូនទៅកាន់មន្ទីពេទ្យក្នុងទីក្រុងរ៉ូមភ្លាមៗ បន្ទាប់ពីត្រូវបានគេលួចចាក់ នៅមុនថ្ងៃនៃការប្រកួតពានរង្វាន់ Europa League របស់ក្រុមពួកគេទល់នឹងក្រុម AS Roma។
បើតាមប្រព័ន្ធផ្សព្វផ្សាយអ៊ីតាលី បុគ្គលិកភោជនីយដ្ឋានម្នាក់ បានទូរស័ព្ទទៅកាន់ប៉ូលីសភ្លាមៗ នាវេលាពាក់កណ្តាលអាធ្រាត្រ កាលថ្ងៃទី៦ ខែមីនា ដោយនិយាយថាអ្នកគាំទ្រ ២នាក់ បានមកឱ្យរូបគេជួយ បន្ទាប់ពីត្រូវបានគេចាក់នឹងកាំបិត នៅក្បែរភោជនីយដ្ឋាននោះ។
អ្នកគាំទ្រម្នាក់មានរបួស ៣កន្លែងនៅត្រង់ភ្លៅខាងឆ្វេង ចំណែកម្នាក់ទៀតត្រូវចំភ្លៅខាងស្តាំ។ ពួកគេក៏ត្រូវបានគេ លួចយកកាបូបស្ពាយ ដែលមានកាបូបលុយមួយ រួមនិងឯកសារថែមទៀត។
អ្នកគាំទ្រក្រុម Brighton ទាំង២ ដែលមានវ័យ ២៨ និង ២៩ឆ្នាំ ត្រូវបានបញ្ជូនទៅកាន់មន្ទីពេទ្យ ២ដាច់ ដោយឡែកពីគ្នា ក្នុងទីក្រុងរ៉ូម។
ចំណែកការប្រកួតរបស់ Brighton & Hove Albion បានរងបរាជ័យយ៉ាងអាម៉ាស់នៅក្នុងទីក្រុងរ៉ូម ដោយត្រូវបានក្រុមម្ចាស់ផ្ទះបំបាក់ នៅក្នុងលទ្ធផល ៤-០ នៃជើងទីមួយពានរង្វាន់ Europa League នាថ្ងៃទី៧ ខែមីនា៕
© រក្សាសិទ្ធិដោយ thmeythmey.com
Tag:
.gif)
