.png)
.jpg)
.jpg)
ជិះទូកលេងតាមដងស្ទឹង និងទស្សនាផ្សារបណ្តែតទឹក នឹងមានក្នុង«សៀមរាបសង្ក្រាន្ត»
- ថ្ងៃសុក្រ ទី៥ ខែមេសា ឆ្នាំ២០២៤ ម៉ោង ៨:៥៩ នាទី ព្រឹក
ភ្នំពេញ៖ រដ្ឋបាលខេត្តសៀមរាប នឹងរៀបចំព្រឹត្តិការណ៍«សៀមរាបសង្ក្រាន្ត» ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិ។ «សៀមរាបសង្ក្រាន្ត» រៀបចំរយៈពេល ៤ថ្ងៃ ចាប់ពីថ្ងៃទី១៣-១៦ ខែមេសា នៅសួនច្បារព្រះរាជដំណាក់ និងនៅសងខាងដងស្ទឹងសៀមរាប ចាប់ពីស្ពានអតីតមន្ទីរទេសចរណ៍ខេត្ត រហូតដល់ស្ពានវត្តដំណាក់។
ដើម្បីលើកស្ទួយវប្បធម៌ ទំនៀមទម្លាប់ និងប្រពៃណីជាតិ និងការផ្តល់ឱកាសដល់ពលរដ្ឋ រួមទាំងទាក់ទាញភ្ញៀវទេសចរជាតិ និងអន្តរជាតិ រដ្ឋបាលខេត្តសៀមរាប ប្រកាសរៀបចំព្រឹត្តិការណ៍«សៀមរាបសង្ក្រាន្ត»។ ការរៀបចំនេះ ក៏ជាផ្នែកមួយនៃការជំរុញឱ្យមានកំណើនភ្ញៀវទេសចរ ស្របតាមយុទ្ធនាការរបស់រាជរដ្ឋាភិបាល ដែលបានដាក់ចេញ «ឆ្នាំទស្សនាសៀមរាប ២០២៤»។
ព្រឹត្តិការណ៍«សៀមរាបសង្ក្រាន្ត» ត្រូវបានរៀបចំដោយរដ្ឋបាលខេត្ត សហការជាមួយសហភាពសហព័ន្ធយុវជនកម្ពុជាខេត្តសៀមរាប។ ក្នុងព្រឹត្តិការណ៍នេះ នឹងមានកម្មវិធីកម្សាន្តសប្បាយជាច្រើន រួមមាន ការលេងល្បែងប្រជាប្រិយខ្មែរ ការជិះទូកលេងតាមដងស្ទឹង ការវាយកូនហ្គោលសៀមរាបសង្ក្រាន្ត ការពិព័រណ៍ម្ហូបអាហារ ការទស្សនាផ្សារបណ្តែតទឹក និងការប្រគំតន្ត្រីនាពេលរាត្រីផងដែរ៕
អត្ថបទទាក់ទង
© រក្សាសិទ្ធិដោយ thmeythmey.com
Tag:
